عنوان الموضوع : سمبوسة من غير عجين **بالبيض** طريقة جزائرية
مقدم من طرف منتديات العندليب




السلام عليكم اخواتي

اليوم درت في الغداء مقلي بطاطا وطماطم وفلفل ولما وصلت للبيض جاتني فكرة اني نعمل بيه حاجة اخرى

وطبقت الفكرة لي جاتني وكانت نتيجة رائعة

اتفضلو معايا مرحبا




المقادير / بيضة ومغرفة حليب وملح ولي يحب يدير فلفل اسود انا ما درتش ونخلطهم مليح



ثم بواسطة البانسو نعمل شريط في المقلاة لازم تكون المقلاة ما تلصقش انا دهنتها غير المرة الاولى بالزيت

ثم استعملتها عادي مقلاتي ما تلصقش



المقلاة تكون سخونة والنار قليلة هادئة



ننزعها ونحطها في صحن حتى نكمل كل البيضة البيضة الوحدة تعمل 5 شرائط





الحشو / فرماج طري ومعدنوس وممكن تضيفي دجاج طايب ومفتت انا ما درتش



ونلفها على شكل مثلث مثل السمبوسة



ثم نعملها في البيض



ثم في لشابلير حنى نكمل كل الكمية





ثم نقلي في الزيت



وتقدم





تقرمش وخفيفة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحه ..فكره مليحه ...

__________________________________________________ __________

>>>> الرد الثاني :

فكرة هااااااااااااايلة والاهم اقتصادية وسهلة وبريزونتابل الله يبارك عليك ام ساجد افكارك عجيبة ورائعة

__________________________________________________ __________

>>>> الرد الثالث :

الف شكر اخواتي على المرور الطيب

شكرا سميحة

ليدي ربي يخليك عزيزتي

__________________________________________________ __________

>>>> الرد الرابع :

قوليلي برك منين جاتك هذي الفكرة الجهنمية ههههههههههههههههههههه
يعطيك الصحة ياأم الأفكار الخزعبلية هههههههههههههههههههههه
والله نحب الانسان اللي يفكر ويمخمخ ويلبز ههههههههههههههههه
أكيد بنااااااان

__________________________________________________ __________

>>>> الرد الخامس :

wallah rawaaaaaaa ya3tik esaha inchallah njarabham fi a9rab forssa