عنوان الموضوع : بان كيك بالخضر من مطبخي
مقدم من طرف منتديات العندليب




حياكم الله وبياكم وعلى الهدى ثبتنا الله واياكم
وصفة اليوم بان كيك بالخضر
مرات تبقالنا الخضر ومانعرفوش واش نديرو بيها .......الدراري يضا مايحبوش الخضر ولازمنا نتحايلو عليهم باه ياكلوهم
اليوم جربت هاد الوصفة وعجبتنى وعجبت اولادى اللي نتمنى تجربوها وتعجب اولادكم ايضا



3حبات بيض +كاس حليب +2كاس فرينة +ملعقة صغيرة ملح +نصف ملعقة صغيرة خمارة +ملعقة صغيرة فلفل ابيض او اسود+2 حبات كورجات غابي +حبة جزر مغابية + 3 سنات توم غابي +نصف حبة بصل مغابية ونقليها في شوية زيت حتى قريب تتكرمل +شوية معدنوس + جبن مودزاريلا وجبن احمر هنا لكم الخيار في اختيار الاجبان


هنا شوفو الخضر كيفاش مغابيين


نضرب البيض اولا مليح بالفوي ونزيدلو الحليب ونضرب تم لفرينة ونخلط مليح






الان نضيف الخضر ونخلط تم المعدنوس والتوم والبصل المكرمل والاجبان ونخلط







بعدما تخلطو الخليط راح يكون شوية تقيل نزيدو من ربع الى نصف كاس حليب انا زدت ربع كاس القوام تاعو كان هايل
نخليوه يرتاح من 15د الى 20د
كى نطيبوه في الاول كى نحطو في المقلة النار تكون شوية قاوية تم نقصلها شوية ترجع متوسطة وبواسطة سباتولا نقلب من الاطراف ونقلبها على وجها



بواسطة بانسو نمسح مقلاة بالزيت تكون ماتصقش ونطيبهم كيما البان كيك ولا الكريب




وهاهو جاهز



ان شاء الله يعجبكم
وماتنساوش انتقادكم تشكراتكم وارائكم تشجعنا وتزيدنا في العطاء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك تحفة عندي سؤال الخضر تطيب و لا تبقى نية شكرا

__________________________________________________ __________

>>>> الرد الثاني :

يااااااا الله يبارك يشهييييييي سوغتو للموصايب تاع الأولاد ما ياكلوش الخضر يحبو غير النقانق هههههههه

__________________________________________________ __________

>>>> الرد الثالث :

يعطيك الصحة
مشكورررررررررررررررررة على الوصفة

__________________________________________________ __________

>>>> الرد الرابع :

يعطيك الصحه اختي
ان شاءالله نجربها لولدي
معييني مايبغي خضار مايبغي فرماج ماياشرب لبن
ماعرفت ماندير معاه وصغير عنده عامين ونص مين نعطيه ياكل حاجه
يااما يدوقها بشواربه مايحلش حتی فمه ولا يقولي لا

__________________________________________________ __________

>>>> الرد الخامس :

يعطيك الصحة هاييييل