عنوان الموضوع : محنشة بالجبن و اللحم المرحي من مطبخي طبخ جزائري
مقدم من طرف منتديات العندليب



جبتلكم اليوم وصفة المحنشة بالعجينة المختمرة بدل الديول مذاقها رووووووووووووعة

بسم الله:



150غ فرينة_ نصف ملعقة كبيرة خميرة الخبز_ نصف كأس ماء دافئء_ نصف ملعقة كبيرة لحظة_ ملعقة كبيرة و نصف زيت الزيتون_ 1 ملعقة صغيرة سكر _ رشة ملح
للحشوة:

200غ لحم مرحي مطهو مع بصلة صغيرة و ملح وفلفل أسود و معدنوس_ جبن
للتزيين:
صفار بيضة مخلطة مع قليل من القهوة و قطرة خل _ سينوج

ذوبي الخميرة + السكر في نصف كأس ماء و أتركيها تختمر 10 دقائق
من جهة اخلطي الفرينة+ اللحظة+ الملح + السكر ثم أضيفي الزيت

و بعده الخميرة المختمرة

و اجمعي الكل بالماء الدافئ للحصول على عجينة طرية أتركيها تختمر مغطاة

ليتضاعف حجمها

نزليها دون عجن و قسميها الى 4 كرات حللي كل واحدة كالحربوش

خذي واحدة و حلليها بالعرض ثم ضعي عليها شرائح الجبن

ثم اللحم

و اغلقي العجينة باحكام لتغطي الحشو

و هكذا مع باقي الحرابيش

خذي الحربوش الأول و لفيه بشكل حلزوني ثم شكلي في نهايته حفرة ادهنيها بصفار البيض( باش يلصق معاها الحربوش الثاني و ما يفتحش عند الطبخ)
ملاحظة: الجهة اللي غلقنا فيها الحربوش تكون من الأسفل و الاّ ستنفتح عند الطهي

في تلك الحفرة ضعي طرف الحربوش الثاني و سويه ثم أكملي لفه بشكل حلزوني

و هكذا مع باقي الحرابيش و في النهاية الصقي الطرف المتبقي بصفار البيض

ضعي المحنشة فوق صينية مرشوشة بالفرينة و ادهنيها بصفار البيض و زينيها بالسينوج أو الجلجلان و أدخليها مباشرة الفرن السااااااااخن 180 درجة حتى تتحمر



قدميها بالصحة و العافية مع سلطة أم فريت
ملاحظة: اذا حبيتي المحنشة تكون ضخمة يعني حجم عائلي ضاعفي المقادير فقط






دعوة صغيرة في ظهر الغيب تكفيني




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لهنا دعيتك الدعوات الباهية لي في الدنيا الكل ربي يهنيك

__________________________________________________ __________

>>>> الرد الثاني :

يعطيييييييييييك الصحة رووووووووعة
ولونة الدهبي يهبل

__________________________________________________ __________

>>>> الرد الثالث :

يعطيك الصحة أختي تشهي .. بارك الله فيييييك

__________________________________________________ __________

>>>> الرد الرابع :

شكرااا حبيباتي
دائمة الحمد ربي يحفظك وليداتك و يفرحك بيهم يا رب

__________________________________________________ __________

>>>> الرد الخامس :

روعة الله يبارك ولونها مشهي