عنوان الموضوع : مقبلة الجزرة ~ yamii طريقة جزائرية
مقدم من طرف منتديات العندليب

مساء الخيرات و المسرات
ان شاء الله تكونو بصحة و عافية ,’
البارح جربت عفسة جديدة و ماكنتش متوقعة تخرجلي هكا الصراحة , علابيها ماصورتش الخطوات { ان شاء اله نعاودها و نعدل في الموضوع



سبحان الله وبحمده ’سبحان الله العظيم

مقادير العجينة: ~{ عجينة 10 دقائق هي عجينتي السحرية , بيتزا ~ فطائر ~ معجنات كلشي بيها

العجينة هاذي على مرحلتين ~ و على ضمانتي خفة كي القطن روعة

مرحلة 1:

2 كيسان فرينة
2 كيسان ماء
مغرف كبيرة خميرة
مغرف صغيرة سكر
ملح
ملاحظة { العجينة تكون سائلة ماتخفوش
~ نخلوها تخمر لمدة 10 د في الصيف اما في الشتاء حتى تخمر

المرحلة 2

بعد ما تخمر العجينة نتاعنا نزيدلها

من 2,5 ل 3 كيسان فرينة { حسب النوع
ربع مغرف صغيرة خميرة حلويات
ربع كاس زيت

و نعجنها شوية و نخدم بيها ما نحتاجوش نزيدو نخمروها

ملاحظة { لما نشكلوها و نخدم بيها الحاجة الي حابينها لازم نزيدو نخلوها تخمر قبل ما نذخلوها الفرن




انا هنا خدمت ب Les cornets روليت العجينة عليهم و مادهنتهاش و خليتها تزيد نخمر شوية و دخلتها للفور
بعد 10 دقائق { طابت , خرجتها و بعد ما بردت شوية دهنتها بملون orange

الحشو

بطاطا مقطعة صغيرة مقلية
دجاج
بيشاميل { تكون خفيفة
fromage rapé
cornichon مقطع صغير

ملاحظة. الحشيش جبتو من الجنان نتاعنا غسلتو و غلفتو من التحت بالعفسة هادي راهي تجي مع les sachet de congélation و تجملي الربطة نتاعك و رشقيها في السنارية نتاعك


نتمنى تجربوها
{ دمتم بحب ’ دعواتكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

444يعطيك الصحة ورايحة انجربها وانا صراحة جامي جربت هاد العجينة

__________________________________________________ __________

>>>> الرد الثاني :

المشاركة الأصلية كتبت بواسطة ام رشدى
444يعطيك الصحة ورايحة انجربها وانا صراحة جامي جربت هاد العجينة

الله يسلمك ان شاءالله ,جربيها يا عزيزتي و على ضمانتي و الله انا معجناتي كامل بيها ,مانستغناش عليها
مشكورة على المرور


__________________________________________________ __________

>>>> الرد الثالث :

يعطيك الصحة


__________________________________________________ __________

>>>> الرد الرابع :

المشاركة الأصلية كتبت بواسطة sidali 2007
يعطيك الصحة

الله يسلمك و يعافيك , شكرا


__________________________________________________ __________

>>>> الرد الخامس :

يعطيك الصحة تبان بنينة و هذا ما يليق للولاد في الصيف ، و تبان فكرة مليحة باش الولاد يحبو الخضر من شكلها ثم من طعمها .... مشكورة