بيتزا بطاطا طريقة جزائرية
عنوان الموضوع : بيتزا بطاطا طريقة جزائرية
مقدم من طرف منتديات العندليب
بتزا البطاطا
البتزا طبق محبوب عند الجميع وخاصة اذاكان بالبطاطا راح يكون اكيد
المقادير
بطاطا مقصوصة دوائر ومقلية
صوص تومات تاع بيتزا
فرماج الي عندك
فلفل زيتون طن مايونيز
ولك حرية الاختيار في التزيين
الطريقة
في بلا حسب افراد اسرتك مدهون بالزيت اعملي بيضة مضربة بفرشيطة
حطي فوقها البطاطا وقطع فرماج ومن الاحسن شرائح فرماج سندويتش اناكان ماعنديش استعملت الفرماج الابيض
صبي من فوق صوص تومات
وزيني بواش حبيتي
حطيه يطيب لماتخرجيه من الفور اسقية بمغرفة او2 زيت وزيني بالمايونيز والجبن المبشور يبرد شوي وقطعيه وبالصحة والعافية
وهذي صور توضيحية رغم انو سهل وبسيط وسريع التحضير
وهدية مني اليكم وصفة الكفتاجي راهي مجربينها اغلب عضوات واش طيبتي الليوم
مقبلة لذيذة ومغذية
الكفتاجي
الكفتاجي هوطبق لذيذ نعملوه خاصة في الصيف او كمقبلة للضياف وفي رمضان نعملو تقريبا يوميا
تقصي البطاطا مربعات وتقليها وتحطيها في صحن بلا وفوقها الطماطم تقصيها مربعات وتقلبها مع شوية زيت وملح وسنة ثوم مرابيا
وتقلي الفلفل وتقشريه وتقطعيه مربعات وتزيدي تحطيه جريوات تقصيها دوائر وتقليها وتعمليها ومن فوق تعملي البيض طايب وتجملي من فوق كيما تحبي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عجبتني الفكرة بزاف و باذن الله نجربها بارك الله فيك
__________________________________________________ __________
>>>> الرد الثاني :
اممممممممممممممم تهبل وتشهي ماشاء الله عليك يعطيك الف عافية والله يبارك في ذوك اليدين
__________________________________________________ __________
>>>> الرد الثالث :
بارك الله فيك
تشهي
__________________________________________________ __________
>>>> الرد الرابع :
مممم روعــــــة
شكرا على الوصفةالله يعطيـك الصــحة حــــبيـبة
__________________________________________________ __________
>>>> الرد الخامس :
ممممممممممممممممممممممممممممززز تشهي ربي يخليك لينا ديمن منورتنا بوصفاتك الرئعة
رد مع اقتباس
