عنوان الموضوع : واش ندير بهذا السمك ؟ المطبخ الجزائري
مقدم من طرف منتديات العندليب

السلام عليكم
انا في دار عندي هذا النوع من السمك ماعلاباليش واش اسموا فيه بزاف الشوك وماعرفتش واش ندير بيه من فضلكم اعطوني كاش وصفة نطيب بيها هذا السمك.. كيما تشوفوا هو يشبه للسردين العادي برك كبير عليه








شكرا مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هذا من الذ أنواع السمك اللي كليتو أنا في العادة نديرو كيما تتبيلة السردين ويجي بنين بزاف ولا نشويه بعدما نكون نقعتو في القارص وما نكترلوش الملح
وهذا ما كان
بصحتك حنونة

__________________________________________________ __________

>>>> الرد الثاني :

يعطيك الصحة ختي امال ربي يجازيك ان شاء الله
قوليلي برك تعيشي كي ديريلو التتبيلة واش ديري بيه اومباك ؟ تقليه ؟

__________________________________________________ __________

>>>> الرد الثالث :

سلام اختي راه ماشي كبير بزااف اخدمية واغسليه جيداا ونقيه من الشوك جيدا وشوفي الرابط وديري الوصفة هادي تجي بنينة بزااف مالفة نعملهاا شهيتيني و راني صايمة

https://www.djelfa.info/vb/showthread.php?t=686650

__________________________________________________ __________

>>>> الرد الرابع :

بسم الله الرحمان الرحيم

أختي تقدري تعمليه مع البصل المشرمل يجي تاني بنين وعلى فكرة هذا السمك كان عشائنا المهم إلك الوصفة
قطعي البصل شرائح حطيه في المقلة مع شوية زيت ملح و فلفل أكحل و قليه مليح حتى يأخد اللون البني ثم ضفي الماء القليل حتى ينضج البصل كي يطيب زديلو 2مغارف أكل تع الخل هذه مرحلة المرحلة الثانية نقلي الحوت بعد ما كنتي تبلتيه بالملح و فلفل أكحل بعدها تحطي الحوت في صحن التقديم وحطي من الفوق البصل المشرمل و شهية طيبة أتمنا أني وفقت في الشرح و بصحتكم .





__________________________________________________ __________

>>>> الرد الخامس :

السلام عليكم اختي هذا الحوت الله اعلم يسموه grands yeux ادرسي الثوم او ذريهولو الفلفل اكحل او عصريلو القارص او خليه فيه شوية مبعد رمديه في الفرينة او قليه ولا تحبي طيبيه في الفرن بالبصل او الطماطم مقطعين مدورين او بالصحة عليكم اختي