شخشوخة السيار اممممممم........ جوزو مرحبا طبق جزائري
عنوان الموضوع : شخشوخة السيار اممممممم........ جوزو مرحبا طبق جزائري
مقدم من طرف منتديات العندليب
السلام عليكم وصح عيدكم كامل
كل عام و انتم بالف خير
حبيت نوفي بوعدي و نحط طياب الشخشوخة بالسيار لانو في عادتنا نديروها ثاني عيد
الطريقة
اولا المرقة عادي
و ثانيا الشخشوخة تتحط في قصعة و تدهنيها بشوية زيت
و تحطيها تفور
و كي تفور نزليها و بخيها بشوية ماء شوية برك قيمة فنجان حتى تشيح و كي تشيح شوفيها اذا مازالت يابسة زيدي شوية ماء و هذي كي يكون السميد من النوع لي يشرب و جهدما تطرى شوية رجعيها تفور و كي تفور نزليها و دريها بالزبدة و فكيها من بعضاها و سقيها بالمرق حوالي 3 مغرف و خليها تشيح و كي تج تقدميها مثلا و لقيتيها بارده عاودي فوريها باه تسخن حنا نحطو في السني غرفية فيها المرقة لانو حنا ناكلو نص ياكلها شايحة و نص ياكلها ممرقة المهم شهية طيبة طبعا تقدم مع الفلفل الحححححححححار
ملاحظة ما تكثريش الماء باه ماتتلبزش و تتعجن لانها ما تبغيش الماء بزاف يعني كي تحطي الماء ديري الحساب بلي راكي رايحة تسقيها و كيما قلت على حساب السميد
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تشهي بصحتك الشخشوخة تكليها بالصحة أنتي و العائلة وعيدكي مبارك .
__________________________________________________ __________
>>>> الرد الثاني :
تسلمي حنونة راجلي يموت على الشخشوخة والتريدة
__________________________________________________ __________
>>>> الرد الثالث :
المشاركة الأصلية كتبت بواسطة الصوامعية 
تشهي بصحتك الشخشوخة تكليها بالصحة أنتي و العائلة وعيدكي مبارك .
الله يسلمك و عيدك مبارك ليك و لكل العائلة و صدقيني تشهي صح
__________________________________________________ __________
>>>> الرد الرابع :
المشاركة الأصلية كتبت بواسطة الزهرة البسامية
تسلمي حنونة راجلي يموت على الشخشوخة والتريدة
اهلين زهرة الله يسلمك و صح عيدك و ربي يهنيك
راجلك من جهتنا و يديرو هذا النوع من الشخشوخة
شكرا
__________________________________________________ __________
>>>> الرد الخامس :
الله يبارك عزيزتى
باينة تشهى نحنا غدوة ان شاء الله بالعصبان
رد مع اقتباس
