افخاذ دجاج محشية بالصور٠٠٠٠٠ ( يممممم يممممم ) طريقة جزائرية
عنوان الموضوع : افخاذ دجاج محشية بالصور٠٠٠٠٠ ( يممممم يممممم ) طريقة جزائرية
مقدم من طرف منتديات العندليب
اقدم لكن هذه الوصفة من مطبخي ان شاء الله تعجبكم
اعذروني ساستعمل اللهجة العامية
نبداو ٠٠٠٠بسم الله
تحضري افخاذ دجاج بعدما تنقيهم مليح ( العدد كيما تحبي )
تنحيلهم العظم بحذر باش تتحصلي على قطعة واحدة
تحضري لحم مرحي ( لحم مفروم )
ناتي الى الحشو : تزيدي للحم المرحي: معدنوس٠دبشة٠ شويه بصل مفروم (حبة متوسطة)٠سنينات ثوم ٠بيضة
التوابل : فلفل اكحل٠راس الحانوت٠ شويه كمون و ملح
بعدما تخلطي كلشي تزيدي حبات فروماج ( اعملي حسابك على الملح لمرة لولا لانو الفروماج مالح )
تحطي شوي خليط في كل قطعة
تلمي مليح وتقفليها جيدا
وباش ما يخرجش اللحم اقفليها بالاعواد او خيطيها بالابرة والخيط كيما نخيطو العصبانة
عملية الطبخ سهلة : اما تدهنيهم بالزبدة وتحطيهم في صينية مدهونة بالزبدة في الفرن حتى يحمارو
او تعملي كيما انا : في مقلاة تحطي الزيت مع شويه زبدة وتحمريهم على نار هادئة
وتقلبيها من حين لاخر
المقلاة من الاحسن تكون بغطاء باش يطيبو مليح
وتخليهم يحمارو مليح
اذا حبيتي تزينيهم بالكفتة اللذيذة ( تعمليها بالحشو اذا بقى وتقليهم )
وتقدري تعملي صوص كيما تحبي للي ما يحبش النواشف( تسقي بيه عند الاكل )
شهية طيبة وبالصحة والهنا
انتظر رايكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
طبق رائع يعطيك الصحة
__________________________________________________ __________
>>>> الرد الثاني :
طبق يشهي راح نجربوا باذن الله تعيشي
__________________________________________________ __________
>>>> الرد الثالث :
المشاركة الأصلية كتبت بواسطة شميسة تبسة 
طبق رائع يعطيك الصحة
بارك الله فيك اختي شميسة
شكرا على الرد
__________________________________________________ __________
>>>> الرد الرابع :
تبارك الله عليك، طبق رائع يعطيك الصحة
__________________________________________________ __________
>>>> الرد الخامس :
المشاركة الأصلية كتبت بواسطة salimshah
طبق يشهي راح نجربوا باذن الله تعيشي
بارك الله فيك اختي
متندميش اذا جربتيه لانو بنيييييين ياااااااسر
رد مع اقتباس
