عنوان الموضوع : خبز كوشة طريقة جزائرية
مقدم من طرف منتديات العندليب

السلام عليكم ارجوكم اخواتي اريد وصفة خبز كوشة مجربة يكون الخبز خفيف شكرا مسبقا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم أختي غادي نعطيك وصفة الخبز لي نديروه يوميا في دارنا
المقادير :
فرينة نوعية جيدة "ما نديروش سميد"
ملح
خميرة
ماء دافئ
سميد ماشي للعجن
الطريقة:
نخلطو هذه المقادير مع بعض حتى الحصول على عجينة تكون شوية جارية و نتركها حوالي نصف ساعة و من بعد نعاودو نخلطو العجينة شوية و تحسيها هذه المرة نشفت ما شي كيما خليتيها و تخليها أيضا نصف ساعة أو أكثر شوية "أنا نعجنها و نروح نخدم صوالحي و مرة على مرة نعاود نخلطها برك ماشي ندلكها لأنها تكون شوية جارية ما تندلكش نخلطها من مرتين لثلاث مرات " و من بعد أي كي تخمر نضع شوية سميد في بلاطو " حنا نستعملو طبقان نتاع الحلفة نخدموهم لهذا الغرض لي ماعندوش يقدر يستعمل قطعة كرتون تكون نقية و يقصها بشكل دائري هكا باش تساعدو " بعد ما نوضعو السميد في الطبق تكون طبقة خفيفة باش ما تلصقش الخبز نقسم العجينة إلى قطع نوضع كل قطعة في طبق و نقرصها باستعمال السميد دايما أي نضعه من فوق و من تحت الخبزة و نقرصها مليح و نزيل كمية السميد الفائضة و نتركها تخمر مرة أخرى و من بعد نديرها في الكوشة و شهية طيبة
هذا الخبز يجي رائع أختي و خفيف بزاف و هو خبزنا اليومي في الدار لكن في رمضان نوعو شوية و نديرو وصفة أخرى راني حطيتها هنا بعنوان الخبز بطريقة مختلفة و سهلة جدا مع الأسف أختي ماعنديش كاميرا باش نصورك المراحل لكن صدقيني تجي خبز هايلة

__________________________________________________ __________

>>>> الرد الثاني :

شوفي اختي جربي وصفتي ورديلي الخبر

انا عندي سينية تاع الكوشة 27سم على 32سم نديرلها

300غ سميد و150غ فرينة يعني حوالي 2كيسان سميد وكاس فرينة

نحطلها مغرفة ماكلة سكر +مغرفة ماكلة خميرة الخبز + حوالي فنجن زيت او أقل + حبة بيض انحي منها شوية للدهن وإذا ماشي موجود

ماتحطيش عادي

ونلمها بالحليب مخلط مع شوية ماء يكون دافيء ونعجنها ونزيد الملح ونبقى نضيفلها فالحليب حتى تولي طرية وتلصق فاليد نحط شوية زيت ونلمها به ونخليها تخمر

كتخمر نعاود نفشها باليد دون العجن ونزيد نخليها تخمر ونعاو نفشها وكتطلع المرة الثالثة نحطها في الصينية المدهونة بالزيت والمرشوشة بالفرينة وندهنها بالبيض والحليب او الحليب فقط ونخليها تخمر ونطيبها في فرن مسخن مسبق على درجة حرارة 220-240

كيبداو يحمارو الشطوط شعلي عليها من فوق

__________________________________________________ __________

>>>> الرد الثالث :

بارك الله فيكم ساجرب ان شاء الله

__________________________________________________ __________

>>>> الرد الرابع :


__________________________________________________ __________

>>>> الرد الخامس :