عنوان الموضوع : الشربة جيني مايهة طبق جزائري
مقدم من طرف منتديات العندليب

سلااام
راني كلما ندير الشربة جيني مايهة
لو كان نخليها ثقيلة ماجيش مليحة ولوكان نزيدلها غير شوي ماء ترجع مايهة علما ان يجب ان اضيف تلك كمية الماء باش الشربة ماجيش ثقيلة وكمية الماء التي اضيفها هي قليلة ورغم هذا الشربة جيني مايهة مافهمتش علاه
انا ندير الشربة تاع اللحم والخضر
حيث انني ندير.2حبات زرودية متوسطة الحجم وحبة قرعة متوسطة الحجم و2 حبات بطاطا متوسة الحجم وحبة بصل تكون كبيرة شوية
والله مافهمت علاه
المرة الاخيرة خليت الشربة ثقيلة ماكثرتلهاش الماء وهكذاك جا الذوق نتاعها مايه رغم انها ثقيلة
راني رهجتهم في رمضان مساكن


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شوفي أختي المقادير كي تعودي ترحي فيهم بالماء لي طيبتي فيه ديرهم جاريين
لكن في كوكوط وين راكي طيبي في اللحم حطي الماء مقدار طياب اللحم
من بعد خلطي واش رحيتي وخليه يتقالى شوية
طفي عالنار
الزرودية والكورجيت يطلقو الماء وأنت تزيدي الماءأنا ندير:
3بطاطا
1زروديه
1 كورجيت
1 فلفل اللحلو
شوية روز متكثريش
الكرافس و المعدنوس
ونطبخهم
في وقت المواسم نظيف
1بسباس - 1 لفت ونزيد 1 بطاطا اذا كانو حبات البطاطا صغار
هناك طريقه 2 أنك تظيفي المايزينة أو الفرينة
الطريقه 3 كي تلوحي خضرتك المرحيه في المرقة ضيفي شويه عدس مرحي

__________________________________________________ __________

>>>> الرد الثاني :

انا الشربة مندير فيها الا البصل واللحم والثوم والتوابل الطماطم الصبرة والفلفل العكري وغيره عندما اريد ان تكون الكمية كثيرة استعمل بصلتين كبيرتين واذا اردت ان تكون الكمية متوسطة استعمل واحدة ومقدار الماء دائما هايل
لما نحب نديرها ثقيلة نزيد مقدار من الشربة واذا حبيت تجيني خفيفة ننقص شوية اما الماء ما نزيد ما نقص كمية التي اضعها اعلم كم سينقص بعد النضج
وتجي تهبل

__________________________________________________ __________

>>>> الرد الثالث :

المشاركة الأصلية كتبت بواسطة lofi
شوفي أختي المقادير كي تعودي ترحي فيهم بالماء لي طيبتي فيه ديرهم جاريين
لكن في كوكوط وين راكي طيبي في اللحم حطي الماء مقدار طياب اللحم
من بعد خلطي واش رحيتي وخليه يتقالى شوية
طفي عالنار
هناك طريقه 2 أنك تظيفي المايزينة أو الفرينة

صحيتي اختي على الاجابة بصح والله مافهمت
انتي ماطيبيش اللحم مع الخضر ؟
انا ندير اللحم يتقلى مع البصل ثم نزيدلو الخضر مقطعة يتقلى معاهم اومباك نمرق ب 1ل ماء ونخليهم يطيبوا .. كي يطيبوا نصفيهم من المرق ونرحي الخضر وهاذيك البيري نعاود نرجعها للمرقة وجيني في هذه الحالة ثقيلة بزاف فاضطر اني نزيدلها كمية من الماء باش طيبلي التشيشة وكي تشرب التشيشة وطيب ترجع الشربة شوية عاقدة وكي نذوقها نلقة الذوف نتاعها مايه رغم انها ثقسلة شوية

__________________________________________________ __________

>>>> الرد الرابع :

المشاركة الأصلية كتبت بواسطة lofi
شوفي أختي المقادير كي تعودي ترحي فيهم بالماء لي طيبتي فيه ديرهم جاريين
لكن في كوكوط وين راكي طيبي في اللحم حطي الماء مقدار طياب اللحم
من بعد خلطي واش رحيتي وخليه يتقالى شوية
طفي عالنار
الزرودية والكورجيت يطلقو الماء وأنت تزيدي الماءأنا ندير:
3بطاطا
1زروديه
1 كورجيت
1 فلفل اللحلو
شوية روز متكثريش
الكرافس و المعدنوس
ونطبخهم
في وقت المواسم نظيف
1بسباس - 1 لفت ونزيد 1 بطاطا اذا كانو حبات البطاطا صغار
هناك طريقه 2 أنك تظيفي المايزينة أو الفرينة
الطريقه 3 كي تلوحي خضرتك المرحيه في المرقة ضيفي شويه عدس مرحي

اه المرة الجاية نكثر من البطاطا ونقص كمية الزرودية والكورجيت
الروز وقتاش تضيفيه ؟
انا جربت نديرها بفلفل حلو بصح المذاق ماعجبش العائلة
المعدنوس او الحشيش ؟ انا دايما نسمع بلي الشربة نديروا فيها الحضيض لانه هو الملائم
العدس يكون مغلي ؟ يعني قداش نندير ؟ فنجان ؟

__________________________________________________ __________

>>>> الرد الخامس :

المشاركة الأصلية كتبت بواسطة samra3
انا الشربة مندير فيها الا البصل واللحم والثوم والتوابل الطماطم الصبرة والفلفل العكري وغيره عندما اريد ان تكون الكمية كثيرة استعمل بصلتين كبيرتين واذا اردت ان تكون الكمية متوسطة استعمل واحدة ومقدار الماء دائما هايل
لما نحب نديرها ثقيلة نزيد مقدار من الشربة واذا حبيت تجيني خفيفة ننقص شوية اما الماء ما نزيد ما نقص كمية التي اضعها اعلم كم سينقص بعد النضج
وتجي تهبل

يعني في حبة بصل شحال ديري الماء ؟
انا بالخضرة وجيني مايهة فمابالك اذا درتها غير بالبصل
ختي واش قصدك بالشربة ؟ يعني التشيشة ؟