عنوان الموضوع : درت تورت باللحم هااايلة المطبخ الجزائري
مقدم من طرف منتديات العندليب

اليوم درت تورت باللحم والسلق جااات وش نقوللكم بنيينة يااسر
قليت البصل والطماطم والسلق واللحم مرحي ودرت زيت والفلفل اكحل والملح
درت كريمة الفرماج تعلمتها من عند اختي ام رامي ربي يحفضها: عضمة وكاس حليب و زوج مغارف ونص نشاء وخلطهم بالمضرب اليدوي وزدت شوية ملح وفلفل اكحل وحطيتهم فوق النار زدت كاس حليب كي تخثار ارمي فيها 5 فرماجات وخلطي بسرعة بالمضرب ولا الباتور تتحصلي على كريمة سائلة بنيييييييينة
درت العجينة فرينة وبسستها بالزيت عينك ميزانك وملح ولميتها بالماء عجنتها شوية برك باه تتلم العجينة وقرصتها رقيقة وحطيتها في سنيوة مدورة
حطي الخليط تع اللحم وسط السنيوة وفرغي فوقو كريمة الفرماج وبسطيها على كل السنيوة وحضري طبقة اخرى من العجينة تكون رقيقة وحطيها من الفوق وادهنيها بعضمة وبصحتكم جاتني هااايلة نتمنى تجربوها



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة و صح رمضانك يا اختي

__________________________________________________ __________

>>>> الرد الثاني :

المشاركة الأصلية كتبت بواسطة amel_star
يعطيك الصحة و صح رمضانك يا اختي

الله يسلمك اختي امال وانتي زادا

__________________________________________________ __________

>>>> الرد الثالث :

ya3tik saha...merci

__________________________________________________ __________

>>>> الرد الرابع :

جاتك هايلة يعطيك الصحة

__________________________________________________ __________

>>>> الرد الخامس :

المشاركة الأصلية كتبت بواسطة wissem173
ya3tik saha...merci

شكرا اختي على التشجيع