شحشوخة الظفر بالشرح و الصور من مطبخي
عنوان الموضوع : شحشوخة الظفر بالشرح و الصور من مطبخي
مقدم من طرف منتديات العندليب
السلام و رحمة الله و بركاته
اليوم و نظرا لطلب بعض الاخوات هده طريقة تحضير عجينة شخشوخة الظفر بالشرح و الصور
نبدا بسم الله .نضع في قصعة السميد و من الاحسن رقيق و باش يجيكم مليح شوفي نوعية مليحة متلا انا نستعمل موليكس
او بن عمر حطي قليلا من الملح ماتكتريش و هادا لان المرق يكون فيه الملح ادا كترتي في العجين تجيك مالحة بزاف راح اللحم يجي مسوس و صامط اعجني مع اضافة الماء تدريجيا ما لازمش تكون طرية باش ما تتعبيش عندما تحليها بالحلال لازم تعجنيها مليح بصح تبقى ناشفة ديريها كرات صغار غطيهم بمنديل
حليها رقيقة
حطيها تطيب في الطاجين انا نستعمل تاع المطلوع نقسي في النار باش ما تتحرقش لازم تنشف برك تكون شفافة ادا طيبتيها بزاف تدير بقع و تتحرق
اقسميها و حطيها في قطعة قماش الاحسن لونها ابيض لما تبرد ضعيها في كيس نيلون و ضعيه في التلاجة باش ما تيبسش ادا كانت الكمية كبيرة
فتتيها بالظفر و لازم تكون رقيقة في التفتات كيما في الصورة
و ادا حبيتي ديريها بالسكين قطعيها شرائط رفيعة و لميها مع بعض على شكل حزمة و قطعيها مربعات صغيرة جداااااااا
كيما في الصور
ملاحظة. حنا عندنا المراة لي تفتتها رقيقة خلاص هي الفحلة هههههههههههههههههههه
ان شاء الله يكون الشرح واضح
في انتظار ردودكم
سلاااااااااااااااااااااااااااااااااااااااااااااااا ااام
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة عملتيها روعة
__________________________________________________ __________
>>>> الرد الثاني :
فحلة وعليك الكلام
طريقتك سهلة ومبسطة ربي يجازيك
__________________________________________________ __________
>>>> الرد الثالث :
يعطيك الصحة يا اللبة مرا ونص ربي يحفضلك ايدياتك انا شخصيا نفضل قصة السكين
__________________________________________________ __________
>>>> الرد الرابع :
المشاركة الأصلية كتبت بواسطة cata 
يعطيك الصحة عملتيها روعة
الله يسلمك انت اروع شكرا
__________________________________________________ __________
>>>> الرد الخامس :
المشاركة الأصلية كتبت بواسطة مقدسية
يعطيك الصحة يا اللبة مرا ونص ربي يحفضلك ايدياتك انا شخصيا نفضل قصة السكين
الله يسلمك و يخليك شكرا الموضوع نور بوجودك صح حتى بالسكين هايلة خاصة لي ماعندوش نساء بزاف لانها تاخد وقت
رد مع اقتباس
