عنوان الموضوع : بروكلو بطريقتين من مطبخي بالصور و المراحل
مقدم من طرف منتديات العندليب

سلام يا فحلات اليوم جيبتلكم وصفة البروكلو بطريقتين اتمنى انها تنال اعجابكم يا رب نشالله و تتفعالو معايا بالردود
أولا نظف راس البروكلو و حطيه يغلي مادام يطيب تبداي توجدي الصوص نتاعواللي مكواناتو " دجاج انا ديرت فخض مليح و بصل و زيت و ملح وفلفل أسود و فلفل أحمر و راس حانوت

هادي صورة المكونات




ثم قليه




كي يتقلى زيديلو طماطم كعب و طماطم مصبرة



زيدي قليهم شوية مبعد زيديلهم الماء



خليها تغلي حتان يطيب الدجاج و تعقد الصوص و زيديلها شوي معدنوس



الان نتقل الى البروكلو الطريقة الاولى مكوناتها نص راس بروكلو و معدنوس و 2 مغارف نشا كبار و ملح وفلفل أسود و بيضة و هراسة و صحن


نمرس البروكلو بالهراسة اليدوية


و مبعد نزيد البيضة مع الفلفل الاسود و النشا و المعدنوس اللي تحب تزيد فورماج او كريم فراش تزيد او انواع اخرى من التوابل تقدر انا ما حبيتش قلت خليه هك خير باه يستطعمو بنة البروكلو خير



و بعد ما تخلطيهم



. و الان تبداي توجدي روحك للقليان و تسخني الزيت


تفرغي الخليط في المقلة بالمغرف مشكلة دويرات








الان الطريقة التانية مكوناتها نص راس بروكلو بيضة ملح فلفل اسود معدنوس




اخفقي البيضة مع الملح و الفلفل السود و المعدنوس و اللي تحب تزيد الثوم الرابي



خلطي البروكلو في البيض و مبعد ابداي اقلي




i
هادي صورة كي كملت قليت


ومبعد كي كملت قليت قسمت الدجاج و حطيتو في النص و زيدتلو لا صوص و زينت بالمعدنوس








اتمنى انها تكون عجابتكم و نشالله تردولي لخطراه و الله تعبت في حطان الصور و مش خسارة فيكم نشالله تكو نالت اعجابكم و شكرا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك على الوصفة اللذيذة

__________________________________________________ __________

>>>> الرد الثاني :

يعطيك الصحة اختي تعب مضني ومجهود ربي يجازيك عليه. احنا تاني نديروه بنفس الطريقة

__________________________________________________ __________

>>>> الرد الثالث :



يعطيك الصحة ( الشــــــــوفلاغ )

__________________________________________________ __________

>>>> الرد الرابع :

يعطيك الصحة
انا كنت نديره بنفس طريقتك و تعلمت من الاخوات اضافة الفرينة لخليط البيض و المعدنوس و نقلي بيه الشفلور حبات و يجي هايل


__________________________________________________ __________

>>>> الرد الخامس :

يعطيك الصحة اختي