عنوان الموضوع : خبيزات بيتزا للمبتدئات .....من مطبخ كلتومة من مطبخي
مقدم من طرف منتديات العندليب

واش راكم يالبنات ...ان شاء الله لاباس

لبارح طليت على فغيجيديغ باش ندير لعشا صبتو يصفر .مالقيت فيه والو ...........ايا قلت ندير خبيزات بيتزا ........بنان

وخفاف واهم شيئ اقتصاديين لي عاد بغات تقول بسم الله لكوزينة وماتفهمش بزاف للطبخ .تقرا سوجي نتاعي

طريقة التحضير

انا دايما نستعمل عجينة 10 د ساهلة ماهلة ومتديش وقت ..نورمالمون راكم تعرفوها ولي متعرفش نقوللها :

2 مغارف ك خمارة لخبز

قرصة ملح

فنجان تاي سكر

2 مغارف ك لحظة ولا نص كاس حليب

2 كيسان ما دافي

2 كيسان فرينة

*تخلطي كامل هدو وتخليهم 10 مينوت ............ومنبعد تزيديهم 4 كيسان فرينة ونص كاس زيت .راكي تشوفيها

مش حاكمة روحها وتلصق نوغمال .بزيت تتلم وحدها .......تجيبي لبلا نتاع كوشة وتدهنيها بزيت وتديري دي بولات

وتغرسي فيهم زيتونة وتطليهم بلا صوص الي تبغي .كيما انا راني مشومرة مزال مخلصوناش هههههههه درت طماطم مع

شوية قصبر وشوية زيت وكمون هدا ماكان

نخليكم مع لي فوتو








وهادي فخاطر لمبتدئات ولمشومرات ههههههههههههههههه......................بصحتكم متنساوش تقييم لتطليع لمورال




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ههههههههههههههههههههه بصحتكم حالة التشومير

__________________________________________________ __________

>>>> الرد الثاني :

المشاركة الأصلية كتبت بواسطة أم محمد تاج
ههههههههههههههههههههه بصحتكم حالة التشومير

الله يسلمك حبيبتي توحشتك اختي..............ربي يهنيك

__________________________________________________ __________

>>>> الرد الثالث :

يتوحشك الخير بارك الله فيك حنونة
عاودتي الشخشوخة ولا لالا؟؟؟

__________________________________________________ __________

>>>> الرد الرابع :

مزال معاودتهاعلى خاطر مش انا لي نخبزها وحدة جارتنا شاوية تخدم وتبيعها ...راني دايرة لاكوموند ولدروك مزال ملحق تور تعرفي فدزاير كلش بلاشين خخخخخخخخخ..............

__________________________________________________ __________

>>>> الرد الخامس :

يحيا التشومير والله هايلة