عنوان الموضوع : سلكي راسك في رمضان **عجينة رائعة للخبز والمعجنات** طبق جزائري
مقدم من طرف منتديات العندليب



السلام عليكم واش راكم
اليوم جبتلكم وصفة لعجينة اقل ما يقال عنها انها رائعة فعلا درت بيها بتزا وجات رائعة وهد المرة قلت خلي ندير بيها خبز محشي ونشوف
جا واش نقولكم خسارة مكنتوش معايا باش تذوقوه الخفة والبنة والطراوة يعني اذا كان عندكم واحد او وحدة في الدار منحي سنانو كيما حالتي هادي رايحة تسلكم ههههههههههه
يالله خلاصت المقدمة

المقادير:
كاس ونص حليب دافيء
ملعقة كبير سكر
ملح قيس العجينة
ملعقة كبيرة ونص خميرة الخبز
باكي خميرة كيميائية
اكثر من ربع الكاس زيت واقل من نصفه
وفرينة
الكاس المستعمل للمقادير هو كاس لينوكس

الطريقة:
نضع في صحن عميق كل من:
- ملعقة سكر
-ملعقة ونص خميرة
-ملح
ونضيف الحليب ونحرك بالمضرب اليدوي جيدا

ثم نضيف الزيت ونحرك جيدا

ثم نضيف :
-2 كيسان فرينة
-كيس الخميرة الكيميائية
ونحرك بالملعقة جيدا حتى يتجانس الخليط

ثم نضيف الفرينة تدريجيا حتى نحصل على عجينة طرية
ثم ندهنها بقليل من الويت ونضعها داخل ساشي بلاستيك ونتركها تخمر جيدا حوالي ساعة غير ربع -على حساب حرارة المطبخ-
الحشوة:
انا استعملت:
-بطاطا مقطعة مكعبات صغيرة ومقلية
- بصل وفلفل أخضر وحبة طماطم مقطعين طوليا ومقليين في زيت
-دجاج انا استعملت الصدر مقطع صغير ومقلي
- فرماج
الطريقة:
بعد ما تختمر العجينة اقسميها الى ثلاث قطع وكل قطعة على زوج
ههههههه
هنا كل واحدة واش من شكل حابة تدير انا درت قرصة كبيرة وقرص صغار هههههه
من بعد حللي العجينة واحشيها جيدا متشحيش عمريها مليح كلما تجي معمرة تجي تشهي انا درت الشكشكة تاع البصل ةالفلفل والطماطم هي اللولة من بعد البطاطا المقلية من بعد الدجاج ثم الفرماج
جاااااااات امممممممممممممممم
من بعد غطيها بعجينة اخرى وخليها تخمر مرة تخرى قيلا هاد المرة ميش رايحة تطول وحد 10 دقائق برك ثم ادهنيها بصفار البيض المخلوط بقطرات من القهوة او النيسكافي ثم رشي الجلجلان والسانوج والى الفرن تاخذ تحميرة جميلة
وبصحتكم

او تعمليها قرص صغار طيبيهم في الفرن مثل خبز الهمبرجر ثم تقسميهم بالموس وتحشيهم بالحشوة السابقة فقط انا هنا زدت فلفل اخضر حلو مقطع شرائح رقيقة جدا انا وخواتاتي نحبوه

نخليكم مع الصور:



آسفة لم اصور كامل المراحل لانني اضنها واضحة ومعضم الاخوات شرحوها بشكل رائع
متنساوش تدعولي دعوة خير في ضهر الغيب








وين راكي رايحة بلا ما دعيتيلي شفتك

هههههه راني نضحك برك
في امان الله








>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هايلة يعطيك الصحة

__________________________________________________ __________

>>>> الرد الثاني :

يعطيك الصحة شكرا بإذن الله نجربها

__________________________________________________ __________

>>>> الرد الثالث :

بارك الله فيك

__________________________________________________ __________

>>>> الرد الرابع :

يعطيك الصحة باينة تهبل حنونة بارك الله فيك وبصحتكم

__________________________________________________ __________

>>>> الرد الخامس :

المشاركة الأصلية كتبت بواسطة lyna2007
هايلة يعطيك الصحة


الله يسلمك ختي تعيشي