عنوان الموضوع : soupe de poisson rouget raw3a المطبخ الجزائري
مقدم من طرف منتديات العندليب

حبيباتي هادا اول موضوع ليا معاكم تعلمت بزاف بزاف امالا قلت وعلاش ما توريلهمش حويجه من كوزينتك بالاك تعجبهوم بصح كاينا حاجة لازم تشجعوني
زعمه راح نبدا كيما يقولو هادوك تع التلفزيون ههههههههههه
نبداو باسم الله نحتاجو 2سمك روجي ماشي شرط فري انا نستعمل الكونجلي و تاني اي نوع تع سمك تحبيه بصح بالروجي والله روعه نقيوه مليح با لموس من الحراشف راكم علابالكم من بعد نسحقوا 2 حبات بصل مقطع رقيق مع سنينات ثوم 2 حبات زروديه شوية بسباس حبيبات طماطم لفت كي يكون كاين و نحتاجو باقه نتاع اعشاب القصبر معدنوس زعيتره ماشي زعتر و رند نحكموهم بخيط و شوية زعفران راس الحانوت
فلفل اسود شوية كمون زيت ملح و طماطم مصبره
خلاص راكم معايا دوك نجيبو طنجره نحطوا الزيت و البصل يتقلاو من بعد نزيد الخضره تاعي مقطعه مربعات مع السمك تاعي و باقه الاعشاب رند و التوابل الملح الطماطم نخليهم يتقلاو مليح على نار قليله من بعد نزيد الماء مع مرق جومبو سمك كي تطيب الخضره و السمك نرحيوهم مع بعض بالاكو لعظام تع السمك رجعوهم للمرقه من بعد نحي الباقه تع الاعشاب من بعدعليك كل وحده و لمستها الاخيره عاده هاد الطبق يقدم مع خبر يابس محمص في الكوشة ندهنوه بشويه زيت زيتون و نحكوه بالثوم
واش رايكم حبيباتي ماكله تع 5 نجوم هههههههههه انا اول مره كليتها في مطعم في بجايه هبلت عليه من بعد وليت نطيبها ف الدار جربوه و رجعولي الخبر راني نستنى

اعدروني مادرتش الصور ماعرفتش
ادا امكن توريولي كيفاش



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وصفة ساهلة
شكرا اختي

__________________________________________________ __________

>>>> الرد الثاني :

مممم شهيتيني يعطيك الصحة بارك الله فيك

__________________________________________________ __________

>>>> الرد الثالث :

المشاركة الأصلية كتبت بواسطة نور القمر 07
وصفة ساهلة
شكرا اختي

ربي يخليك انشاء الله تجربيها و تعجبك شكرا على التشجيع

__________________________________________________ __________

>>>> الرد الرابع :

شكرااااااااااااا جزيلااااااااااااااااااااااااا

__________________________________________________ __________

>>>> الرد الخامس :

المشاركة الأصلية كتبت بواسطة soriaalg
مممم شهيتيني يعطيك الصحة بارك الله فيك

وفيك بركه حبيبتي نورتيني بمرورك شكرا