عنوان الموضوع : وصفة المثوم المطبخ الجزائري
مقدم من طرف منتديات العندليب

سلام البنات وصح رمضانكم تعيشو راني نحوس على روسات نتاع المثوم مجربة و تكون مليحة و شكرا.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خذي الطنجرة ارحي البصلة وارحي الثوم وقليهم بطرف شحم ولا طرف لحم وإذا ماكانش وحدهم ياسر
قطعي البطاطا مكعبات ورابي الطماطم وديري طوماط كونسونتري وفلفل اكحل فلفل أحمر حلو ملح وزعفران وإذا تاكلوها بيضاء ديري توابل لي موالف تخدمي بيهم وديري الحمص لازم يكون كبير ومنتفخ مليح الآن روحي للحم مرحي فرغي فيه شوي روز يابس مغسول ومنقوع فالماء من قبل ومنشف وديري التوابل فلفل اكحل وملح وشوي قرفة شوي برك وشوي كمون وخلطي مليح مين تطيب البطاطا وتعقاد المرقة ارمي حبات الكفتة المكورين وخليهم يطيبوا على نار هادية وإن شاء الله تعجبك السر فالوصفة هو وجود الثوم والتوابل

__________________________________________________ __________

>>>> الرد الثاني :

يسلمووووووووو اختي ربي يحفظك

__________________________________________________ __________

>>>> الرد الثالث :

ممكن المقادير بالضبط

__________________________________________________ __________

>>>> الرد الرابع :

المثوم هو سيد المائدة في منطقة الوسط

و مافيهش لا بطاطا و لاشيء و لا مرقة حمرا و لا ارز وهو طبق عاصمي بالدرجة الاولى و منتشر في منطقة الوسط و طيبوه في رمضان و العرضات و الاعراس
و يتكون فقط من قطع اللحم بقري او غنمي و كريات لحم مفروم ودجاج
الطريقة الصحيحةهادي هي

قطع لحم اوجاج..و لحم مفروم..كمية من الحميصة الخشينة المشمخة..كمية جيدة من البصل و الثوم مرحيين..شوية سمن..فلفل اسود ..قرفة..قليل جدا من الكمون ...حبة بيض...

نقلي اللحم او جاج في السمن م اليصل و الثوم و فلفل سود و قرفة و كمون..بعد ما يتقلاو مليح نمرق بالماء في مستوى اللحم.. و لما يغلي نضيف الحميصة و نغطي...

الان نروح للحم المفروم..نضيف حبة بيض.. الثوم المرحي ..فلفل اسود..قرفة..شوية فقط كمون ..مغرف صغيرة سمن...
شوية ملح..و نخلط جيدا و نشكل كريات ...و لما يطيب اللحم نظيف الكريات للمرق ..و لما يطيبوا تكون المرقة عاقدة و خاترة..نطفيوا عليه و لما نسقيوا كاين اللي يزوقوا باللوز...
شهية طيبة..صح رمضانك...

ملاحظة. .كمية البصل و الثوم و الحميصة على حسب كمية قطع اللحم..


__________________________________________________ __________

>>>> الرد الخامس :

المشاركة الأصلية كتبت بواسطة خربشة ناعمة
المثوم هو سيد المائدة في منطقة الوسط

و مافيهش لا بطاطا و لاشيء و لا مرقة حمرا و لا ارز وهو طبق عاصمي بالدرجة الاولى و منتشر في منطقة الوسط و طيبوه في رمضان و العرضات و الاعراس
طيبوه في رمضان و العرضات و الاعراسو يتكون فقط من قطع اللحم بقري او غنمي و كريات لحم مفروم ودجاج و طيبوه في رمضان و العرضات و الاعراس

الطريقة الصحيحةهادي هي

قطع لحم اوجاج..و لحم مفروم..كمية من الحميصة الخشينة المشمخة..كمية جيدة من البصل و الثوم مرحيين..شوية سمن..فلفل اسود ..قرفة..قليل جدا من الكمون ...حبة بيض...

نقلي اللحم او جاج في السمن م اليصل و الثوم و فلفل سود و قرفة و كمون..بعد ما يتقلاو مليح نمرق بالماء في مستوى اللحم.. و لما يغلي نضيف الحميصة و نغطي...

الان نروح للحم المفروم..نضيف حبة بيض.. الثوم المرحي ..فلفل اسود..قرفة..شوية فقط كمون ..مغرف صغيرة سمن...
شوية ملح..و نخلط جيدا و نشكل كريات ...و لما يطيب اللحم نظيف الكريات للمرق ..و لما يطيبوا تكون المرقة عاقدة و خاترة..نطفيوا عليه و لما نسقيوا كاين اللي يزوقوا باللوز...
شهية طيبة..صح رمضانك...

ملاحظة. .كمية البصل و الثوم و الحميصة على حسب كمية قطع اللحم..

مشكورة اختي ربي يحفظك