عنوان الموضوع : المطلوع من مطبخي بالصور المطبخ الجزائري
مقدم من طرف منتديات العندليب



تحياتي
صح صيامكم ومنبعد صح فطوركم
صبرو بالمطلوع تاعي حتي يطيب المطلوع العلمي
نحط السميد خميرة ملح توابل الخبز وسكر موضح بالصورة




نبدا نضيف الماء الدافيء وعجن حتي تصبح عندك عجينة بهدا القوام

نحطها في ساشي نظيف ونتركها حتي يتضاعف حجمها



ننزعها من الساشي ونعجنها مليح ما لازمش تكون طرية ياسر خاطر راح تعبك كي تجي طيبيها
بعد ما نعجنها مليح في الاخير نضيف مقدار ملعقة صغيرة زبدة ونعجنها بيها


بعد ما نعجنها وتندمج فيها الزبدة مليح نقرصها نخليها تريح 5دقائق ونبسطها في هده الاثناء نشعل الطابوبه باه يسخن الطاجين خاطر الجو سخون كون تخليها راح تهبط وما تنجحش بعد ما تكملي تقريص الخبزات ابداي طيبي وحطي الاولي اللي قرصتيها وهكدا حتي تكملي
راني شرحت بالتفاصيل المملة ان شاء الله راني قدرت نوصل المعلومة وبالتوفيق ومع الصور راح توضح






هي دير هده الفقاقيع قلبيها وكملي طيبيها مع التحريك المستمر






وهاي ليكم اشهي مطلوع بالتوفيق للجميع





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممم اعطيني خبزة نحطها فوق الطابلة راني نوجد
بصحتكم ويعطيك الصحة

__________________________________________________ __________

>>>> الرد الثاني :

صحة فطورك ويعطيك الصحة

__________________________________________________ __________

>>>> الرد الثالث :

الله الله عليك يا الفحلة ابعثيلي واحدة سخونة نفطر بيها

__________________________________________________ __________

>>>> الرد الرابع :

جميل جدا شكرا علي مجهودك

__________________________________________________ __________

>>>> الرد الخامس :

السلام عليكم

الله يبارك فيك، عمل أكثر من رائع