عنوان الموضوع : طاجين بالجلبانة والدجاج .ساهل ماهل من مطبخي
مقدم من طرف منتديات العندليب



تحياتي وان شاء الله تكونو بخير وصح رمضانكم وصيامكم وربي يتقبل منا ومنكم امين
هدا الطاجين درتو فطور وحبيت نفيد بيه الاخوات ممكن ياخدو فكرة لفطور اليوم

قليت لحم الدجاج في الزيت ودرت معاه قطع لحم صغيرة باه نخليها مع الصوص اللي نقدمها بيه





بعد ما تقلي اضفت التوابل والملح والجلبانة وقليتهم ثم مرقت الماء شويه فقط





قفلت عليه الكوكوت وخليته حتي طاب
نحيت صدر الدجاج فتته

بعد ما فتته زدتلو نصف مرق الجلبانة اللي طيبتو فيها حبتين فرماج يعطيه طعم هائل بيض معدنوس مقطع


بعد ما خلطته صبيته في مول مدهونة بالزيت والي الفرن



كي قريب يطيب خرجته ودردرت عليه فرماج روج ورجعته الي الفرن



وهدا كي طاب


وهده طريقتي في تقديمه حطيت معاه الصوص اللي خليتها




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة راهو دخل المينو

__________________________________________________ __________

>>>> الرد الثاني :

عندي مدة حطيتو هذا الطاجين وفعلا يجي بنين و هايل
بصحتكم و رمضان كريم

__________________________________________________ __________

>>>> الرد الثالث :

المشاركة الأصلية كتبت بواسطة ام شرفو
يعطيك الصحة راهو دخل المينو

شكرا حبيبتي ام شرفو

المشاركة الأصلية كتبت بواسطة pgcd
عندي مدة حطيتو هذا الطاجين وفعلا يجي بنين و هايل
بصحتكم و رمضان كريم

اعطيني الرابط انتاعك خاطر مشفتوش وصراحة حتي اسمك اول مرة انتبهلو
راني شفت موضوعك صحيح تقريبا نفس الطريقة
هدا خلقت لقيت امي طيبو وانزيدك قبل ما كانش الامكانيات كيما الان كانت بعد ما تخلكط كلشي طيبهولنا في مقلة وتنقص النار لادني درجة والبنة انتاعو اه لو كان ترجع هدوك الايام
يا بنتي راكي تعبتيني وغكرتيني في ايام لن تعود

__________________________________________________ __________

>>>> الرد الرابع :

المشاركة الأصلية كتبت بواسطة ام راضية

اعطيني الرابط انتاعك خاطر مشفتوش وصراحة حتي اسمك اول مرة انتبهلو

هدا الرابط

طاجين جلبانة + بسبوسة -- مرحبا بيكم لبنات

و عادي أختي وين المشكل احنا هنا نديو من بعضانا أنا أكدت انو يجي بنين و باللي راني درتو فقط
عموما هي فرصة انتبهتي لاسمي و لي الشرف

صح فطوركم و مرة اخرى رمضانكم مبارك
ســـلام

__________________________________________________ __________

>>>> الرد الخامس :

المشاركة الأصلية كتبت بواسطة pgcd
هدا الرابط

طاجين جلبانة + بسبوسة -- مرحبا بيكم لبنات

و عادي أختي وين المشكل احنا هنا نديو من بعضانا أنا أكدت انو يجي بنين و باللي راني درتو فقط
عموما هي فرصة انتبهتي لاسمي و لي الشرف

صح فطوركم و مرة اخرى رمضانكم مبارك
ســـلام

عاودي اقراي واش درتي بيا هدا الصباح راكي فكرتيني
بكيْتُ على الشّبابِ بدمعِ عيني فلم يُغنِ البُكاءُ ولا النّحيبُ فَيا أسَفاً أسِفْتُ على شَبابٍ، نَعاهُ الشّيبُ والرّأسُ الخَضِيبُ عريتُ منَ الشّبابِ وكنتُ غضاً كمَا يَعرَى منَ الوَرَقِ القَضيبُ فيَا لَيتَ الشّبابَ يَعُودُ يَوْماً، فأُخبرَهُ بمَا فَعَلَ المَشيبُههههههههههههه ما تضنوش راني عجوزة بصح العز بعد الوالدين حرام كيما يقولو
وفكرتيني في خويا كيفاه كنت نا وياه
قتلوه الارهابيين الجبناء
ايا صح فطوركم