عنوان الموضوع : اللحم المفور بطريقتي والطعم اكثر من رهييييييييييييييب طريقة جزائرية
مقدم من طرف منتديات العندليب

اهلا بالفحلات والحراير
المهم حبيت نوريلكم كيفاه درت اللحم المفور اليوم لانوا طعموا الصراحة كان رهيب
اولا درت خلطة فيها كامل التوابل وعصير الليمون وقليل من الزيت /شوية برك / والبصل و الملح حسب الكمية

و الدبشة والثوم وملعقة صغيرة طماطم مصبرة لتعطيه اللون الرائع
وشوية هريسة والخلطة هاذي تقدري تزيديلها مكونات من ندك
صورتهالكم مع الاول مافيهاش كل المكونات ما لحقتش نخدم ونصور

ومن بعد ا درتي كل المكونات تضيفي الماء ممكن كاس ناقص
المهم خلي الخليط ثقيل



وبعدها تكوني محضرة اللحم الي باه تفوريه

وبعدها دخلي اللحم في الخليط وحاولي تخليه مدة فيه على الاقل دقيقتين باه يبقى حاكم الطعم
الا مظطرة ديريهم نورمال
وبعد ما تكمليهم خليهم يرتاحوا شوية مام ربع اعة

وبعدها تغلفي بالزوج ولا بالوحدة في ورق الالمنيوم

وما تنسيش انك تثقبيهم


وبعدها غطيهم وحطيهم يفوروا واقضي صوالحك براحتك


وبعد مدة كيف يطيبوا راح تتفاجئي بالنتيجة لانوا الطعم روووووووووعة الصراحة
وهذا شكلها النهائي

نتمنى يعجبكم شهية طيب وردود اروع هههههههههههههههه



وتقدري تقدميه مع اي حاجة

اعذروني من الزربة والله ما لحقت نصورها بعد التزين

وهذا عصير الليمون




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك عليك يعطيك الصحة يالفحلة يبان روعة ما شاء الله بصحتكم

__________________________________________________ __________

>>>> الرد الثاني :

الله الله يا الفحلة شهيتيني ههههههههه


تسلم اييدك حبيبتي


المرة الجاية كي ديريهم أعرضيني هههههه


نحببببك

__________________________________________________ __________

>>>> الرد الثالث :

الله يحفضك حنونة وجودك الاروع

__________________________________________________ __________

>>>> الرد الرابع :

المشاركة الأصلية كتبت بواسطة نجمة المستقبل
الله الله يا الفحلة شهيتيني ههههههههه


تسلم اييدك حبيبتي


المرة الجاية كي ديريهم أعرضيني هههههه


نحببببك

هههههههههه حشمتيني يا مجنونتي
لعاقبة للارز هههههههههه باه ما تقوليش نسيتك ههههههههه
نحبك شكرا لكرورك
وراكي معروضة من ذرك ههههههههههههه
وغدوة ولا بعدوا راح ننزل البيتزا

__________________________________________________ __________

>>>> الرد الخامس :

تبان طريقة هاااااااايلة وتستحق التجربة قبل ما يخلاص لحم العيد شكرا جزيلا أختي