عنوان الموضوع : **الكبة المقلية من مطبخي و على طريقتي** طريقة جزائرية
مقدم من طرف منتديات العندليب

بسم الله
ليوم جبتلكم وصفة الكبة بصح على طريقتي
لعيونك اختي زهورالفل كيما وعدتك و اسمحيلي ايلا طولت عليك
نحتاج
برغل من هذاك الرقيق او اللي نقولولو التشيشة بصح الرقييييقة ماشي اللي نديروها ف الحريرة هاديك اللي نفوروها و نيدولها الزبدة
و نحتاج لحم مفروم


البرغل نديروه فالماء و نخلوه يشرب باش يطرى مدة 20 دقيقة
اللحم المفروم انحي منو شوية للحشو و الحشو ما تديش بزاف
بعدما يتشرب البرغل مليح نصفيه و نعصروه من الماء عن طريق الضغط عليه بيدينا
و نيدرو مقادير متساوية نفس كمية البرغل + نفس الكمية لحم مفروم لازم يكونو كيف كيف و نتبلهم بالملح و الفلفل و شوية هريسةو نديرهم فالروبو و نرحيهم ملييييح مليح مع بعض حتى يدخلو في بعضاهم و يولو عجينة متماسكة




من جهة اخرى نوجدوا الحشوة ، نديرو في مقلة شوية لحم مفروم+ بصل مقطع + زيت + فلفل + ملح و ايلا تحبي التوابل ضيفي حسب الرغبة و نقلوهم و كي يطيب نديرلو شوية معدنوس مفروم و نخلوه يبرد والي تحب تضيف للحشو مكسرات اتضيف


ثم نبدا نشكل العجينة نصنع دوائر و نشكلها على صبعي و ندير ثقب فب الوسط مثل ما راه موضح في الصور و تقدري تبلي يديك بشوية ماء ايلا خفتيها تلصقلك





و ندير داخلها حشو اللحم و نغلق عليها و اغلقي مليح و شكلي مليح باش ما تنفتحش كي تقليها



نسخن الزيت على نار متوسطة و نرمي فيها الكبة و نخليها تتقلى على نار متوسطة باش ما تنحرقش و تبقى خضرا من داخل
و بالهنا و الشفاء

مممممممممممممم




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ان شاء الله نكون اول وحدة ترد عليك
يعطيك الف صحة يا فحلة

__________________________________________________ __________

>>>> الرد الثاني :

سلمت يمناك
وصفة رائعه وجميله

__________________________________________________ __________

>>>> الرد الثالث :

المشاركة الأصلية كتبت بواسطة ام راضية
ان شاء الله نكون اول وحدة ترد عليك
يعطيك الف صحة يا فحلة

مشكورة حبيبتي ام راضية ربي يخليك

__________________________________________________ __________

>>>> الرد الرابع :

المشاركة الأصلية كتبت بواسطة souha.nwl
سلمت يمناك
وصفة رائعه وجميله

شكرا سهى ربي يحفظك

__________________________________________________ __________

>>>> الرد الخامس :


Allah ybarak 3adt mnin nodkhol l forum nhawas toooooool 3la jdid ta3ak
Rabi ykhalik dima nachita hakda