مسمنات ام محمد تاج والله اسرع وألذ مافيش طبخ جزائري
عنوان الموضوع : مسمنات ام محمد تاج والله اسرع وألذ مافيش طبخ جزائري
مقدم من طرف منتديات العندليب
بسم الله الرحمان الرحيم
حبيباتي الغاليات حطيت مسمناتي في قسم واش طيبتي اليوم ونظرا للاعجاب تاع لبنات قلت نحطهم موضوع يستفادو لبنات تاع المنتدى وتعم الفائدة وهام ليكم بدون اطالة
اعجني عجينة الشخشوخة عادي ونفس الطريقة تاع التلواز بصح في الطياب ماترققيهمش كيما الشخشوخة خرين يقولولها لفطير يعني ماهم رقاق ماهم خشان ضرك الصور توضح اكثر
طيبي كل مسمنة وحدها على بياض وحطيهم فوق بعضاهم باش يطراو ويجيو ساهلين للخدمة كي تكملي حلي ورقة مسمنات ادهنيها بالزبدة وذرذري عليها السكر وطبقيها وحطيها بجنب وزيدي حلي وحدة أخرى وسيحي عليها العسل حسب الذوق تاعك وحطي عليها المسمنة الاخرى المطبقة وعاودي طبقي وطيبي وبالهنا على قلوبكم وناكلوهم مع اللبن ولا حليب الصباااح ياسلالالالام على القرمشة والطراوة لداخل وممم السكر مع العسل والزبدة والله رووووعة
وملاحظة: انا نطيبهم مثلا في الصباح ونخلي العسل والزبدة والسكر في المساء يعني نجبد غير نطبق ونطيب مممممم ولا نطيب محجوبتي ونطيب غير ورقات المسمنات ولعشية غير نطبق ونتعشاو بيهم يعني عصفورين بحجر واحد
حبيباتي دعوة خير تكفيني وشكرا لصبركن وهام الصور تبين اكثر
إضغط هنا لرؤية الصورة بحجمها الطبيعي.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عزيزتي مسمنات امممممممممممممم تسلم الأيادي وَبَارِكْ الله فيك
__________________________________________________ __________
>>>> الرد الثاني :
الله يبارك يا ام محمد تاج كل اصبع بصنعة
يا سعدو زوجك ح بيك ههههههههه
__________________________________________________ __________
>>>> الرد الثالث :
الله يبارك في هذوك اليدين
__________________________________________________ __________
>>>> الرد الرابع :
الله يبارك فيكم حبيباتي والله حشمتوني يعطيكم الصحة
__________________________________________________ __________
>>>> الرد الخامس :
يعطيك الصحة دورك ندي التبسي آلاز البارح ماديتوش قاطعتلي الهام على الخرجةو عطاتني طريحة يايما على يديها شعال قاسحين ٠٠٠خلي برك واش نحكي واش نخلي٠
مممممم شعال نحب لمسمنات هاكدا يعطيك الصحة شكرا لكي
رد مع اقتباس
