عنوان الموضوع : طريقة تجميد الليمون طريقة جزائرية
مقدم من طرف منتديات العندليب

بسم الله الرحمان الرحيم

اخواتي العزيزات بما انا في وقت القارص راهو رخيس هيا نغتنم الفرصة ونجمده لوقت رمضان كيما قالت الاخت
الطريقة جد سهلة:
ناخذ كمية القارص اللي حابة انجمدها نقوم بعصر القارص ونوضعو في مول المكعبات التابع للمجمد ولما يجمد امليح انحو راهو طبعا مكعبات وانديرو في الساشي الشفاف ونغلقو امليح وانخليه في المجمدالى غاية الاستعمال ونقدر نستعمل بالمكعب .
اما عن القشور من الحسن ماانرابيهمش وانحطهم كيما هوما في حافضة اكل (بورت مونجي) وانحطو في المجمد ولما انحب نستعمل انحي وانرابي راه يحافظ على النكهة الخاصة بيه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة
لكن حنا منشتعملوش الليمون في سهر رمضان المبارك

__________________________________________________ __________

>>>> الرد الثاني :

يعطيك الصحة و ربي يهنيك

__________________________________________________ __________

>>>> الرد الثالث :

يعطيك الصحة شكرا

__________________________________________________ __________

>>>> الرد الرابع :

شكرررررررررررا رايحا نشري شوية انخبية

__________________________________________________ __________

>>>> الرد الخامس :

المشاركة الأصلية كتبت بواسطة maria dadi
يعطيك الصحة
لكن حنا منشتعملوش الليمون في سهر رمضان المبارك

ممكن تصنعي بيهم شاربات منزلي مع السخانة والعطش وممكن تخدمي بيهم الفلان المنزلي وممكن اتعمري بيه ليتارتوليت الحلوين واستعمالات القارص عديدة
المشاركة الأصلية كتبت بواسطة الصمت حكمة
يعطيك الصحة و ربي يهنيك

شكراااا على المرور