للزوالي.............دولمة اقتصادية و البنة ممممممممممممم
عنوان الموضوع : للزوالي.............دولمة اقتصادية و البنة ممممممممممممم
مقدم من طرف منتديات العندليب
السلام عليكم اخواتي- تقريبا من 4 إلى 5 مغارف روز طايب.
اليوم جبتلكم دولمة اقتصادية سهلة و بنينة
نبداو على بركة الله بالمقادير:للحشو:
- نص صدر دجاج بدون جلدة أو عظام.
- نص ربطة معدنوس مقطعة رقيق
- قدر مغرف و نص ماكلة بصلة مبشورة .
- من 3 الى 4 سنات ثوم مربيين.
- توابل: ملح ، فلفل أسود .
- بيضة.
- 5 حبات بطاطا متوسطين، 5 حبات كوسا متوسطة.
نرحي المكونات نتاعنا الكل في الروبو و بعد ما ننزعها نضيف البيضة كاملة و نخلط و نحطها بجنب.
للمرق: بصلة متوسطة مبشورة + 4 سنات ثوم مبشورين+ توابل: ملح ، فلفل أسود، على راس المغرف الصغيرة سكنجبير و عرق أصفر مرطبين + عود قرفة صغير+ رند+ عظام الدجاج+ حمص منقوع و طايب في الماء+ نص جوا فلفل حار للي يحب الحر+ زيت أو سمن
و نقلي كلشي على النار
نحفر الكوسا نتاعي و البطاطا بحذر و نعمرهم بالحشو و نقليهم في شوية زيت
هنا قبل منقليهم
هنا بعد ما قليتهم
على فكرة الحشو لي قعد درت بيه كفتة/ المهم المرق نتاعي نخليه يتقلى مليح و من بعد نمرقو بكمية مليحة ماهي بزاف و ماهي قليلة نخليها تغلي شوية و نلوح المحاشي نتاعي بعد منثقبهم بالكيردون و هذا شكل الطبق النهائي اللي ماجيت نصورو حت لقيت أبو تيم كلا نصو
أرجو اني نكون مطولتش عليكم و بالصحة و الهنا ان شاء الله و دعوة خير ليا و لزوجي بالذرية الصالحة و الهنا و الصحة تكفيني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
التعب هذا الكل و ماكانش تقييم وينكم يا أحبائي
__________________________________________________ __________
>>>> الرد الثاني :
اممممممممممممممممم يشهييييييييييييييييييييييي يسلموو حبيبتي على الوصفة ساعات نجي نحشي الجريوات بالجاج لكن نخاف من طعمه خخخخخ
معاك تشجعت يبان اممممممممممممممممممممم ربي يجازيك ويحفظلك اولادك ويسخرلك زوجك ياااااااااارب
__________________________________________________ __________
>>>> الرد الثالث :
ماشاء الله اكيد لذيذة
بارك الله فيك على الوصفه
__________________________________________________ __________
>>>> الرد الرابع :
ماشاء الله ...
__________________________________________________ __________
>>>> الرد الخامس :
يااطيك الصحة اختي وربي اخليلك تيم
رد مع اقتباس
