عنوان الموضوع : دولمة بطاطا اقتصادية طبق جزائري
مقدم من طرف منتديات العندليب

انا كي يكون معنديش لحم لا الدجاج ويكون خاطري فى الدولمة ندير الجلبانة مع البصل يتكتكو نحكم البطاطا نخدمها نقيهيا ونفرغها ونديرها تطيب مع الجلبانة من جهة اخرى نغلى شوية روز كي تطيب البطاطا والجلبانة ندي شوية جلبانة + هاداك الروز + الفرماج rapée +معدنوس نعمر هادوك الحبات نتاع البطاطا نزيد نرابيلهم فرماج +شوية خبز يابس مرحي ونديرهم شوية فى الفور كي يحمارو نعادو نرجعهم على شوية الجلبانة اللي بقاتلى فى الكسرونة تجي هايلة واش رايكم عزيزاتي؟؟؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

فكرة هايلة يعطيك الصحة باينة بنينة

__________________________________________________ __________

>>>> الرد الثاني :

المشاركة الأصلية كتبت بواسطة ghorba
فكرة هايلة يعطيك الصحة باينة بنينة

شكرا اختى على الرد

__________________________________________________ __________

>>>> الرد الثالث :

الله يبارك فيك بشرى
طريقة اقتصادية و تحمر الوجه لضيوف الغفلة

__________________________________________________ __________

>>>> الرد الرابع :

المشاركة الأصلية كتبت بواسطة remadna
الله يبارك فيك بشرى
طريقة اقتصادية و تحمر الوجه لضيوف الغفلة

كنت انتظر ردك باحر من الجمر

__________________________________________________ __________

>>>> الرد الخامس :

باينة مليحة لوكان خير تحتي الصور?