عنوان الموضوع : ديول أم لميس طريقة جزائرية
مقدم من طرف منتديات العندليب

بسم الله الرحمن الرحيم
اليوم جبتلكم طرريقتي في عمل الديول تعلمتهم من عند أختي ميمي
المقادير : كأس ماء بارد + كأس فرينة + حبة بيض + ملعقة زيت
إذا كان عدد الأفراد كبير ديري 2 كيسان ماء + 2 كيسان فرينة و كلما كبر عدد الأفراد زاد عدد الكيسان


ديري الماء و البيض و ملعة الزيت في إناء

ضربيهم مليح بالباتور أو بيدك اللي عندك

كبي كأس الفرينة و زيدي خلطي مليح باش مديرش الحبيبات

هذه العجينة المتحصل عليها بعد الخلط تحبي طيبي ديراكت أو تخليها تريح نصف ساعة

إشعلي الفرن و خليه على نار خفيفة و سخني المقلة تاعك غير شوية

وبهذا البانسو أغطسيه فالعجين

خفي مشي البانسو على المقلة غطيها قاع بالعجين تبداي تغطسي و تمشي

رجعي المقلة على النار باش تنشف الورقة تاع الديول

كيتنشف تتنحى بسهولة مالمقلة تاعك

حطيها على طرشونة و زيدي غطيها بطرشونة يعني ما بين كل وحدة طرشونة
و هاك إخدمي بالديول تاعك كيما تحبي بوراك و لا حلوة السيجار

[IMG][/IMG]


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يعطيــــــــــــــــك الصحة يا الشاطرة
الطريقة لنستعملها أنا منزيدلهاش حبة بيض والمقلة نحطها على حمام مائي كاش نهار نجرب طريقتك

__________________________________________________ __________

>>>> الرد الثاني :

يعطيك الصحة والله فكرة مليحة تاع الباطار نجربها انشاء الله ونرد لك الخبر بارك الله فيك يا الفحلة هكا النساء ولا بلاش
احنا الجزايؤيات فحلات بصح ما نبينوش روحنا لازم نصوروا اعمالنل ونحطوها في النث لكي يتشهر الطبخ الجزائري بصح نصيحة انتي تعبتي مع الصور حطي عليها اسمك واسم منتدانا الغالي باش ما يسرقولكش اعمالك ويلقاوها ساجية

لبنى التي تحبك جدااا

__________________________________________________ __________

>>>> الرد الثالث :

عمرى مجربتهم مع لنى نتمنا نتعلمهم لان زوجى يعشق البوراك رمضان و لا مش رمضان حبيت نسالك فقط اختى لما تدهنى المقلة بالبانسو هل تكون فوق النار و الف شكر مسبقا

__________________________________________________ __________

>>>> الرد الرابع :

Jazaki allah kol khayer

__________________________________________________ __________

>>>> الرد الخامس :

مشكورات على المرور نورتو الصفحة الله إسلمك يا الصوامعية نتي ثان شاطرة و الطريقة تاعك عجبتني و الأخت لبنة صحيتي على النصيحة مدرتهاش قاع فيبالي كيشفت روحي أنا منديش خدمت الغير قلت الناس قاع كيما أنا بصح و الله نديرها فحلات الدزاير قاع خموس عليهم كل سبع بصنعة و أم لميس تقولك أنا ثان نبغيك
و الأخت janino مشكورة حنونة دايما منورتني أنا ثان راجلي يبغيهم و في رمضان ميخطونيش قاع
ختي كيتنحي المقلة من النار و تنحي الورقة تاع الديول خليها تبرد شوية برديها بطرشونة إبقي تمسحي فيها و مترديهاش على النار إصنعي بالبانسو و هي بعيدة على النار حتى تكمليها ديريها تنشف على النار ختي و كان غير تنحيها و تصنعي الأخرى فوقها غير تمشي بالبانسو ينشف ذاك المورسو ليمشيتيه و متخرجلكش الورقة مليحة