عنوان الموضوع : فريكاسي تونسي رائــــــــــع بطريقتي من مطبخي طبق جزائري
مقدم من طرف منتديات العندليب

السلام عليكم و رحمة الله و بركاته

واش راكم يا حراير الجلفة إن اء الله لاباس و بصحة جيدة
البارح درت فريكاسي تونسي ...... يحياو جيرانا التوانسة
أمالا صورتهلكم قلت جاي الصيف و الحرارة هذا مايحبوا ياكلوا الأولاد حتى الكبار ههه كيما حنا ههه
طبعا المقادير لوصفة أساسية وأصلية
500 غ فرينة
1 ملعقة أكل خميرة خبز فورية
1 ملعقة أكل سكر
بيضة كاملة
فنجان صغير زيت
ملح ، ماء دافئ للعجن
طبعا نعجن المكونات جيدا بإضافة الماء حتى الحصول على عجينة طرية لا تلتصق بالأيدي



نخمرها مليح حتى يتضاعف حجمها


ممبعد نقسمها كريات قد حبة الماندرين و نخليهم يرتاحوا دقائق ثم نبدا نحلهم بالوحدة بالحلال ذهابا و إيابا حتى نتحصل على شكل بيضوي أو أوفال أفضل من أنك تفتحي العجين و تطبعي خطرش العجين الباقي راح يشرب الفرينة و يولي قاسي و كي تعاوديه مايجيش كيما الحبات الأولين
و بطريقتي يخمروا كامل كيفكيف و متتعبيش و مايديش الوقت
نخليهم يخمروا ثم نقليهم على درجة حرارة متوسطة








شوفوا كيفاه تضاعف حجمهم و يجوا كيما ليبيني خفاف و طايبين و هشاش



هنا الحشو كيما يديرو التوانسة بطاطا فايرة و بيض و هريسة و الطون و زيتون أممممم




و هنا واجدين مممم رائعين بنة لاتقاوم جربوهم على ضمانتي و فرحوا عائلاتكم


سلااااام


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

امممممممممممم راني وحدي انا اول من ترد ندي كامل الطبسي .
بصحتكم اختي جاري التجريب .

__________________________________________________ __________

>>>> الرد الثاني :

يعطيك الصحة و بصحتكم ان شاء الله نجربوا و نحطوا في التطبيق

__________________________________________________ __________

>>>> الرد الثالث :

راهو يبان هايل وخفيف بصحتكم

__________________________________________________ __________

>>>> الرد الرابع :

يممممممممممممممممممممممممممممممممي راني خلصتهم بنية بنية بنية

__________________________________________________ __________

>>>> الرد الخامس :

الله يبارك جاوك تحفة تقولش قالب
يعطيك الصحة يشهو قوليلي ثقبتيهم في الزيت ولا قبل ما تلوحيهم في الزيت