** حتى انا جبتلكم العصبان على طريقتي ** من مطبخي
عنوان الموضوع : ** حتى انا جبتلكم العصبان على طريقتي ** من مطبخي
مقدم من طرف منتديات العندليب
بسم الله الرحمن الرحيم
اليوم جبتلكم طريقتي في تحضير العصبان و لاول مرة نحضرو
كالعادة نحتاجو كبدة و شوية شحم و رئة و النعناع الطازج و المعدنوس و شوية مصارن رقاق تاع المرقاز و كامل نقطعوهم
و التوابل: فلفل ملح هريسة كمون شوية و راس الحانوت و كمية مليحة من الثوم المفروم
و نحتاج ارز نكونو طيبناه من قبل و الحميصة
نخلطوا كل شيء و نعمر بيه العصبانات و نخيطوهم بالاكو تنساو الابرة
ثم نديرو في كوكوت يكون فيها شوية زيت مع شوية فلف و ملح و نقلوه شوية ثم نمرق و نغلق عليها جيدا و نخلوها اطيب
و هاهي الصور الموضحة
حنا نطيبوه هاكدا مانديرولوش مرقة حمراء او بطاطا
لاني شفت في التلفاز و ايضا في بعض المصفات على النت يديرولو هكداك المرة الجاية ان شاء الله انجربها
السلام عليكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مممممم و الله تشهي يعطيك الصحة و صح عيدك
__________________________________________________ __________
>>>> الرد الثاني :
اولا صح عيدك كل عام و انتي بخير
ممممم و الله تشهي حنا في سطيف مانديروش الكبدة و الرية و نعملوها بالمرق احمر مع الكسكسي
اما هذه طريقة جديدة و سأجربها انشاء الله
شكرا ليك
__________________________________________________ __________
>>>> الرد الثالث :
المشاركة الأصلية كتبت بواسطة djoja 
اولا صح عيدك كل عام و انتي بخير
ممممم و الله تشهي حنا في سطيف مانديروش الكبدة و الرية و نعملوها بالمرق احمر مع الكسكسي
اما هذه طريقة جديدة و سأجربها انشاء الله
شكرا ليك
تسلمي حبيبتي حتى انا حابة انجرب اللي بالمرقة الحمراء
__________________________________________________ __________
>>>> الرد الرابع :
المشاركة الأصلية كتبت بواسطة linat
مممممم و الله تشهي يعطيك الصحة و صح عيدك
شكرا على مرورك العطر اختي لينا
__________________________________________________ __________
>>>> الرد الخامس :
هاذي ثانية مرة نشوف تحشو العصبان بشكلها الطبيعي
حنا في قسنطينة نقلبوها يعني الجهة الملساء تكون من داخل
شكرا جزيلا على الشرح المفصل و تاكلوها بالصحة و الهنا
رد مع اقتباس
