العصبان

[سضكضق]

عنوان الموضوع : العصبان
مقدم من طرف منتديات العندليب

العصبان احنا نديروه بكثرة في العيد أضحى نعملوه مع مرق الحمص او البركوكس

المقادير
لحم مقطع قطع صغيرة لحم الخروف
كبدة مقطعة خروف
رئة
قلب
كلية من الخروف
حبتين من البصل مقطعة صغيرة
حفنة من معدنوس مقطعة صغيرة
حفنة من القسبر مقظعة قطع صغيرة
كوب من الارز
ملعقتين من طماطم مصبرة
ملعقة من الحرور اي فلفل اسود
ملعقة من راس حانوت
ملعقة كبيرة فلفل احمر
ملعقة من القسبر
ملعقة من الكركم
و لي يحب الحار يضيف سسفيندة
و الملح
و ملعقتين من الزيت العادي
و فوارغ ضان اى مصارين *الامعاء* وكرشة المعدة منظفة جيدا باماء والخل والملح و نخويها جيذا بالسكين لازالة المادة المخاطية من الامعاء والكرش

النحضير

نقطع اللحم و الكبدة و القلب و الرئية و الكلية الى قطع صغيرة انا مقستهم بالمقص حاد جدا ثم نضيف البصلة مقطعة و المعدنوس والقسبر و نضيف ارز غير مغلي اي اخضر و نضيف طماطم مصبرة و البهارات مع الزيت و نخلطهم جيدا و تكوني موجدى الأمعاء اي مصارين نعمرهم جيدا والخياطة بالابر والخيط و مين تحبي طيبيهم تقبيهم بالعود اسنان و توضع في المرق الذي يغلي وتترك لمدة ساعة حتي تنضج الطنجرة مغلقه حتى يطيب قدميه .

شكراااااااااااااااااااااااااااااااااااااا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك حنان ربي يجازيك خير.... هكا طيبتيه فالمرق و تاع هذيك النهار محمر ولاوكيفاه ؟؟؟؟ انا مانحبش الكرشة و هاد لحوايج مي تاوعك شهاوني رووووعة
لحرور هو فلفل اسود؟؟؟ الدواوات تحطي ملعقة كبيرة من كل نوع ولا صغيرة؟؟
حنا نديرو الكرشة تاني بالكبدة و رية و طماطم حب بزاااااف بصح مانديروش الروز... ألف شكر على الوصفة

__________________________________________________ __________

>>>> الرد الثاني :

المشاركة الأصلية كتبت بواسطة malek nour hane بارك الله فيك حنان ربي يجازيك خير.... هكا طيبتيه فالمرق و تاع هذيك النهار محمر ولاوكيفاه ؟؟؟؟ انا مانحبش الكرشة و هاد لحوايج مي تاوعك شهاوني رووووعة لحرور هو فلفل اسود؟؟؟ الدواوات تحطي ملعقة كبيرة من كل نوع ولا صغيرة؟؟ حنا نديرو الكرشة تاني بالكبدة و رية و طماطم حب بزاااااف بصح مانديروش الروز... ألف شكر على الوصفة

العفو حبيبتي شوفي ديري ملعقة صغيرة غير فلفل احمر ملعقة كبيرة هذاك لي شفتيه مشري بصح
تعميرة كيما راني دايرة بصح طايب في كوشة لويه في المنيوم و ديره في كوشة ساعة و نحي المنيوم و خليه يزيد ربع ساعة فقط
كاين لي يضيف كرشة مقطعة مي انا ما نديرهاش شكرا حبيبة و كاش حاجة راني هنا يا الحبيبة

__________________________________________________ __________

>>>> الرد الثالث :

الف شكر حنان ربي يحفظك هذاك هو إن شاء الله انا فاكتوبر نروح للبلاد بعد العيد لكبير ب15 يوم ههه هذاك هو نلحق غير عالكرشة و المصران و نجربو إن شاء الله يعطيك الصحة حبوبتي ربي يحفظك.

__________________________________________________ __________

>>>> الرد الرابع :

الله يبارك حنان يعطيك الصحة روعة ماشاء الله
قرب وقت هذ الاطباق

__________________________________________________ __________

>>>> الرد الخامس :

المشاركة الأصلية كتبت بواسطة malek nour hane الف شكر حنان ربي يحفظك هذاك هو إن شاء الله انا فاكتوبر نروح للبلاد بعد العيد لكبير ب15 يوم ههه هذاك هو نلحق غير عالكرشة و المصران و نجربو إن شاء الله يعطيك الصحة حبوبتي ربي يحفظك.

ان شاء الله حبيبة جربيه و قوليلي رايك

المشاركة الأصلية كتبت بواسطة ام طيري الجنة الله يبارك حنان يعطيك الصحة روعة ماشاء الله قرب وقت هذ الاطباق

يبارك فيك حبيبة واه قرب العيد ان شاء الله