عنوان الموضوع : معجنات بشكل الشمس من مطبخي
مقدم من طرف منتديات العندليب

السلام عليكم ورحمة الله وبركاته

بطلب من اختى ام ريمة نزلت الموضوع بالتفصيل

هاد الوصفة ممتازة شكلا ومذاقا وبسيطة وسهلة في نفس الوقت



نحتاج عجينة وحشوة

العجينة
3 كاس فرينة
ربع كاس زيت
4 ملاعق كبار لحظة /حليب بودرة /
ملعقة صغيرة ملح
ملعقة كبيرة سكر
2 مغارف خمارة الخبز



نحط الفرينة ونضيفلها الخمارة والسكر والحليب بودرة ونخلط تم الملح ونخلط تم ندير حفرة نفرغ فيهاالزيت ونحك بيدينا مليح ونلمها بماء دافئ
قوامها يكون كيما عجينة البيتزا



الحشوة
كمية من اللحم المفروم
نص ربطة معدنوس
ربطة سلق مغسولة ومقطعة ومغلية ولا مفورة
نص بصلة مرابية
ملح وفلفل اسود
ملعقة كبيرة زبدة
فرماج اي نوع تفضلوه

في مقلاة نحط ملعقة زبدة نخليها تدوب نضيف اللحم المفروم والبصل والتوم والفلفل الاسود ونقليه حتان يطيب اللحم .نطفي عليه ونزيدلو المعدنوس مقطع رقيق والفرماج وربطة السلق ونخلط ونخليه يبرد

الان نروحو للعجينة بعدما اختمرت وتضاعف حجمها



بواسطة حلال وشوية فرينة نرشو بيها السطح .نقسمو العجينة الى نصفين ونحلهم دائرتين متساويتين




نحط الحشو بهاد الشكل كمية نحطها في بول ونقلبها في الوسط والباقي نحط بالشكل التالي


نحط العجينة التانية فوق الاولى ونسودى الاطراف قصدى نلصقوهم اما بالاصبع او بفرشيطة


خلي الصحن في الوسط وبواسط سكين قطعى الاطراف الى قطع متساويةو ادهنيها بصفار البيض



بعدها دورى كل جزء واعطيه هاد الشكل


ورشيها بجلجلان انا مكانش عندى مادرتش

وخليها تخمر شوية في حين الفرن يكون شاعل وسخون دخليها للفرن وخليها تطيب

كى تخرجيها ادهنيها بشوية زبدة وبس





ملاحظة

بعدما تفتحى العجينة من الاحسن والافضل بل لااازم تخدمي فوق ورق الطبخ وداخل السنيوة لانو من بعد ما تقدريش ترفديها ومام حتى كى تطيب بورق الطبخ تجيك ساهلة باه ترفديها وتحطيها في صحن التقديم

العجينة اللي بقاتلي درت بيها هاد الاشكال





الدائرة حليت العجينة وقطعتها دوائر حطيت الحشو وغلقت بدائرة اخرى ولطقت الاطراف وقرصتها بالاصابع من الفوق بشكل علامة +

الشكل التانى حليت العجينة اوفال ودرت في الطرف الحشو وطويتها مرة وكملت قطعت العجينة شرائط طولية دون الوصول للطرف وكمل روليتها

شكل الوردة دائرة وقطعت علامة + دون الوصول لمركز الدائرة وحطيت فرماج ودورت عليه العجينة
انا ماصورتش هاد المراحل لكن راحا نحوسلكم من عند عمى قوقل ونقولو يسلفلي شوية تصاور



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك فيك هايلة كيما انت

__________________________________________________ __________

>>>> الرد الثاني :

رانى صايمة ولى نشوفها نسخف عليها جربت من قبل تورت السلق انتاعك وجاتنى روعة كيما نحبها ولهذا نثق فى وصفاتك ومن شكلها راهى تشهى بارك الله فيك حياتى وربى يجعلها فى ميزان حسناتك ويصلحلك ذريتك ويصخرلك زوجك امين

__________________________________________________ __________

>>>> الرد الثالث :

المشاركة الأصلية كتبت بواسطة أم ياسين الزهراء
الله يبارك فيك هايلة كيما انت

الله يبارك فيك وفي ايامك حشمتينى انت الهايلة تسلمى
المشاركة الأصلية كتبت بواسطة أم ريمة*
رانى صايمة ولى نشوفها نسخف عليها جربت من قبل تورت السلق انتاعك وجاتنى روعة كيما نحبها ولهذا نثق فى وصفاتك ومن شكلها راهى تشهى بارك الله فيك حياتى وربى يجعلها فى ميزان حسناتك ويصلحلك ذريتك ويصخرلك زوجك امين


ربي يتقبل منك وبارك الله فيك على ثقتك وعلى كلامك الاكثر من رائع وعلى الدعاء خاصة جزاك الله عنى احسن الجزاء ولك بالمثل

__________________________________________________ __________

>>>> الرد الرابع :

فووووووووووووووووووووووووووووووووووووووووور

__________________________________________________ __________

>>>> الرد الخامس :

شكرااااااااااااااااااااااااااااااااااااااااااااااا اااااااااااااااااااااااااااااااااااااااااااا