عنوان الموضوع : وصفة جديدة لارووووع بريوش بالكريم فريش المطبخ الجزائري
مقدم من طرف منتديات العندليب

بسم الله الرحمان الرحيم


السلام عليكم اخواتي


جبتلكم اليوم وصفة جديدة للبريوش من دون زبدة ولازيت لكن بالكريم فريش فقط والنتيجة اكثر من رااااائعة.

https://


المقادير:

250غ فرينة
100غ كريم فريش نستعمل اي نوع متوفر عندك
نصف ملعقة كبيرة خميرة خبز
نصف م ص ملح
40غ سكر رطب
50مل حليب دافي
بيضة كاملة +صفار بيضة لدهن البريوش

الطريقة:

اولا نحطلكم صورة الكريم فريش لي استعملت

https://

بالنسبة لطريقة التحضير نحط الخميرة في كميية الحليب الدافي ونخليها تختمر

من جهة نحط الفرينة+السكر+الملح+الكريم فريش

https://

نضيف البيضة

https://

ثم نضيف الخميرة لي حطيناها مع الحليب الدافيء ونلم العجينة راح نتحصل على عجينة طرية نعجنها لمدة 10د راح نتحصل على هذا العجينة
https://

نغطيها ونخليها تختمر

https://



من بعد نأخذ قالب الشكل لي نفضله ندهنه بالزبدة ومن الاحسن نغطيه بورق الزبدة

نشكل كويرات متساوية الحجم ونحطها في القالب بجانب بعض

https://

نغطيه ونخليه البريوش يختمر للمرة الثانية هكذا

https://

ندهنه بصفار البيض +كمية قليلة من الحليب+قطرات خل

ندخله للفرن يكون مسخن مسبقا على 180د حوالي نصف ساعة طبعا كل اخت والفرن الخاص بها المهم حتى يطيب ويأخذ لون ذهبي محمر

وهذا شكله بعد ماطاب مباشرة

https://

شوفو لونه ما احلاه

https://


بعد مايبرد نقدمه مع المعجون او نوتيلا اوحسب الرغبة انا هنا قدمته مع معجون الفراز

https://


ممكن ايضا نرش عليه السكر الرطب امممممم خفيف وذوقه اكثر من راااائع


https://

https://

عن قرب

https://

هذا شكله من الداخل خفيف كالقطن

https://

نتمنى تعجبكم الوصفة ونشوف تطبيقاتكم

ولا تنسوني من صالح دعائكن ولكن بالمثل


في امان الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممممممممممم رووووووووووووووووووووووعة انا نستعمل بزاف هدي الكرام يعطيك الصحة وبارك الله فيك ياشاف

__________________________________________________ __________

>>>> الرد الثاني :

اكثر من رائع يا مبدعة ..
يعطيك الصحة ورب يباركلك في الصحة و الزوج و الاولاد و الاعمال و الوقت .. امين

__________________________________________________ __________

>>>> الرد الثالث :

ممممممممممممممممممممم واش هذا الفن قتلتيني حنونة بوصفاتك رايحين نهبلو روووووووووووووووووووووووعة وجعلها الله في ميزان حسناتك بصح الوزن راكي تدي في ذنوبنا هههههههههههه كل حاجة تشهي الله يحفظك ويهنيك شكرااااااااااااااااا

__________________________________________________ __________

>>>> الرد الرابع :

Raw3a raw3a raw3a barak allah fik okhti toujour des manifiques recettes merciiiiiiiiiiiiiiiiiiiiiiiiiii

__________________________________________________ __________

>>>> الرد الخامس :

بارك الله فيك اختي على الوصفات الناجحة لي تقدميهالنا
يعطيك الصحة