عنوان الموضوع : كريات بالكاكاو والحلقومة
مقدم من طرف منتديات العندليب

السلام عليكم جبتلكم حلوى لذيذة وساهلة ولكل المناسبات
المقادير:
علبة زبدة 500غ ذائبة
6 حبات بيض
300 غ سكر عادي
3 خميرة
كاس ونصف زيت
الفرينة حتى تتبم العجينة
كاكاو وسكر قلاصي
علبة حلقومة
ماء زهر وشوية سكر
الطريقة:
خلطي الزبدة ذائبة والبيض والسكر والزيت والخميرة وأي معطر تحبين خلطيها ببدك مليح ديري الفرينة حتى تتلم العجينة
خليها ترتاح شوية فهذا الوقت قطعي الحلقومة مربعات صغيرة خذي مقدار من العجينة ديري قالوسط الحلقومة ودوري على شكل كرة صغيرة وهكذا كملي العجينة ديريهم يطيبوا يكون لونهم وردي
بعدما يبردوا خذي الكاكاو خلطيه مع السكر قلاصي ديري نفس مقدار من الكاكاو مع مقدار السكر قلاصي في إناء صغير ديري الماء زهر مع شوية سكر العادي غطسي ورمدي المرحلة الأولى من بعد كي ينشف عاوديلوا المرة الثانية وديريهم في ليكيسات بصحتكم وإن شاء الله يعجبوكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك على الحلوى الرائعة

__________________________________________________ __________

>>>> الرد الثاني :

المشاركة الأصلية كتبت بواسطة linat
بارك الله فيك على الحلوى الرائعة

السلام عليكم شكرا اختي على المرور الكريم

__________________________________________________ __________

>>>> الرد الثالث :



بارك الله فيك ة ياريت متحرميناش من وصفاتك و هذا القاطو و الله هايل خطرة جابتونا جارتي و هشيش و بنين

__________________________________________________ __________

>>>> الرد الرابع :

المشاركة الأصلية كتبت بواسطة my lamis


بارك الله فيك ة ياريت متحرميناش من وصفاتك و هذا القاطو و الله هايل خطرة جابتونا جارتي و هشيش و بنين

السلام عليكم أختي شكرا على المرور بنين بزاف وراح يحبوه الاولاد بالصحة عليكم إن شاء الله تجربيه وترجعيلي الخبر شكرا

__________________________________________________ __________

>>>> الرد الخامس :

بارك الله فيك اختي مريلينا تبان تسخف تسلم ايديك على الوصفة