احلى ميني تارت لاحلى منتدى طريقة جزائرية
عنوان الموضوع : احلى ميني تارت لاحلى منتدى طريقة جزائرية
مقدم من طرف منتديات العندليب
بسسسسسسسم الله الرحمممممممممممممممممممممممان الرحيم
مرحبا اخوتي والله توحشتكم بزاااااااااااف كنت مشغولة بالدراسة واليوم جيت وجبتلكم معايا حاجة حلوة ويخي يقولو حلي باش تولي هههههههههه
المهم مانطولش عليكم جبتلكم وصفة تاع الميني تارت وللامانة انا شفتها في منتدى اخر وعجبتني بزاف وانشاء الله تعجبكم
العجينة: 250غ فرينة - 125غ زبدة طرية - 80غ سكر قلاسي - بيضة - م ص افاني
خلطي الفرينة + الزبدة بين يديك مليح وزيدي باقي المكونات حتى تصبح عجينة طرية ومبعد حطيها في كيس بلاستيكي في الثلاجة لمدة 1/2 سا ومبعد اجبديها وحليها بالفرينة وحطيها في قوالب ميني تارت وحطيها طيب حتى تولي ذهبي.
الكريمة: 1/2 ل حليب - 4 م ك سكر - 4 م ك نشاء(او زوج صفار وبيضة كاملة) - شوية فاني حطيهم يغليو على نار قليلة حتى تعقد ومبعد ما تنحيها ديري لروم تاع كاسيس ومبعد ادهني ميني تارت نتاعك بالمعجون وعمريهم بالكريمة وزينيهم بالفواكه الي عندك وادهني من فوق بالناباج
ملاحظة: اذا درتي في الكريمة البيض حركي باستمرار باش ما يطيبلكش البيض
شهية طيبة
Photo0951.jpg (10.6 كيلوبايت, المشاهدات 212) Photo0949.jpg (10.4 كيلوبايت, المشاهدات 69) Photo0950.jpg (10.4 كيلوبايت, المشاهدات 69)
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله الله على اختي الفحلة و الله جاو يهبلو رايحة نديرهم نشاالله و نطلع التطبيق سلللللللللللللللللللللللللللام
__________________________________________________ __________
>>>> الرد الثاني :
يعطيك الصحة باينين بنان
__________________________________________________ __________
>>>> الرد الثالث :
يعطيك الصحة خرجولك شابين ويشهو
[IMG][/IMG]
[IMG][/IMG]
[IMG][/IMG]
__________________________________________________ __________
>>>> الرد الرابع :
اممممم احلى ميني تارت من احلى ندا نيناتسلمي حبيبتي على الوصفة
__________________________________________________ __________
>>>> الرد الخامس :
جاوك روعة حبيبتي بارك الله فيك
رد مع اقتباس
