عنوان الموضوع : و الله رايحيين تنقضوني ...الله يرزقكم الجنة ادخلو
مقدم من طرف منتديات العندليب

السلام عليكم
و الله غير مرضت من التفكير في التفاهات صدقوني يا خوتي غير محتاجة واحد يعاوني برك
انا كنت في قسم مشكلتي و بغيت نطلب المساعدة بصح عييت نكتب في القسم يقولولي انت تستخدم كلمات دلالية
ياك تعاونوني :
شوفو انا نجي نراجع مثلا درس من الدروس و خاصة و حنا بدينا في الدعم و مثلا الفيزياء غير نحط الكراس نبدا نطبق في قوانين و لا ...نبدا نفكر و نقول مثلا غدوة نرجعو نقراو و غدوة لازم نكون هاك ...و مايش غير كي عدنا حا ندخلو نقراو و حنا مترشحين لشهادة البكالوريا لالا انا مام العام لي فات كنت نفكر نقول هاذيك قاتلي هاك و هاذيك قاتلي هاك و الأستاذ كنت لتزم نجاوبو هاك و علاه ما جاوبتوش ....يا صدقوني دوخو معايا
بصح لي نطلبها دوكا هي وحدة و لا واحد فيكم يهديه ربي باه يعاوني برك يدخل لقسم مشكلتي و يطرحها ثم و يديرلها عنوان : دراستي و التفكير باه انا كي نحل قسم مشكلتي و لربما نلقى لي يفيدني خاصة و اني سبق و طرحت و لقيت حلول فعالة لمعظم مشاكلي :
ملاحظة :
انا متفوقة في دراستي و الأولى دوما في قسمي و الحاجة لي حققتها قصدي اعلى معدل في الثانوي كان 17 و الحمد لله
و التفكير هادا يخليني نخسر وقت بزاااف خاصة و انو طالب شهادة البكالوريا لازم يستغل الوقت في المفيد مايش في التفكير
تعيشو راني نتوكل على ربي بالدرجة الولى و عليكم توما ثانيك الله يهنيكم و يسعدكم
و لي بغا يعاوني يصرح باه ما يتكررش موضوعي في قسم مشكلتي و نلقاو مشكل مع الادارة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

bonjour , je voulais bien vous aider mais j'ai pas bien compris le problème

=========


>>>> الرد الثاني :

أنا تاني ما فهمتش المشكلة

=========


>>>> الرد الثالث :

[QUOTE=pinkie;1054274048]bonjour , je voulais bien vous aider mais j'ai pas bien compris le problème [/QUOTE]


بارك الله فيك
شوفي أختي انا كي نحب نقرا مادة معينة نبدا نفكر نحل مثلا تمرين و نبدا نفكر في حوايج تافهين يعني سبق و ذكرتهم في الموضوع + هذي هي المشكلة برك بغيت نفهم كفاه ندير +مع العلم انا نحط المصحف بحذايا و نقرا أيات قرأتية و من بعد كي نبدا نقرا و في الوسط تاع لقراية نبدا نفكر و الله غير عييت يا أختي راني مخنوقة من هذا الشي تعيشي اطرحي الموضوع في قسم مشكلتي و بنفس العنوان لي سبق و ذكرتهولك
موفقة

=========


>>>> الرد الرابع :

المشاركة الأصلية كتبت بواسطة نور العلى
أنا تاني ما فهمتش المشكلة

ببساطة يا أختي نور أنو كي نجي نقرى ندي معظم وقتي في التفكير يعني نتيه بزاااف قصدي تائهة في أفكار تافهة نتمنى تكوني فهمتيني و تعاونيني تعيشي

=========


>>>> الرد الخامس :

انا فهمتك بصح مانحسهاش مشكلة عويصة يعني حاجة عادية انا تاني اعلى معدل عندي 17 ونتيه بزااف وفي الكلاسة تاني نتوه بزااف
++ساعات تحكمني الضحكة كي نتفكر حاجة ونحاول نحكمها لايقولو هادي مجنونة
انا نحسها حاجة عادية
حاولي تقري قرآن وتحطي تحت وسادتك مصحف وترقي روحك بسورة البقرة فقط
بالتوفيق

=========



و عليكم السلام
والله انا ثاني عندي المشكل هذا تاع التفكير اثناء الدراسة
لكن مشي دايما ساعات برك
انت اختي حاولي متخميش حاولي تركزي هذا ما نقولك
اما قسم مشكلتي ليس لدي خبرة معه ان شاء الله يجي عضو يعاونك
سلام