عنوان الموضوع : سلق اقتصادي على طريقة عجوزتي لكن بدون صور طريقة جزائرية
مقدم من طرف منتديات العندليب

سم الله نبدا شوفو هدا السلق اقتصادي و سريع في العمل يعني طبق بسيط لكن بنين بزاف الطريقة كالاتي نضفو السلق مليح من بعد نقطعوه رقيق و نحطوه يفور حتى يدخلو الطياب من جهة ناخدو راس ثوم نرابيوه نزيدولو طماطم مصبرة واحد 2 مغارف كبار انت و الكمية اللي عندك ملح كمونو زيت وخليهم يتقلاو مليح كي يفور السلق قطريه مليح من الماء تاعو وحطيه في الدواوات اللي تندارو من قبل كي ينشف و يتشرب السوائل نضيفولو البيض واحدة تلوة الاخرى واح5 ولا 6 بيضات و حركي حتى يطيب البيض وادا حبيتي يجيك حار شوية قطعيلو قرن فلفل حار ولا شوية هريسة صدقوني يجي بنين خاصة مع كسرة المطلوع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سهل واقتصادي
شكر لك

__________________________________________________ __________

>>>> الرد الثاني :

والله غير نفس طريقتي يجي هايل وبنين

__________________________________________________ __________

>>>> الرد الثالث :

المشاركة الأصلية كتبت بواسطة ام ظافر
سهل واقتصادي
شكر لك

تسلمي شكرا على المرور الطيب

__________________________________________________ __________

>>>> الرد الرابع :

المشاركة الأصلية كتبت بواسطة عروبتي
والله غير نفس طريقتي يجي هايل وبنين

شكرا نورتي صفحتي

__________________________________________________ __________

>>>> الرد الخامس :

مشكورة اختي عجبتني هذي الطريقه وان شاء الله نجربها