المخمار المورق
عنوان الموضوع : المخمار المورق
مقدم من طرف منتديات العندليب
اهداء ل حناااااااااااان aphrodite16
السلام عليكم انشاء الله تكونو لاباس شفت اخوات يحوسو على المخمار اللي هو من المعجنات مغربية وشجعتني الاخت حنان باش نحطو كي قالت ماشي مهم شكون يحط موضوع المهم الفائدة
نبداو بسم الله
المقادير
طبع حسب العائلة
2كيلة سميد
1.5كيلة فرينة
ملح
م ص خمارة الحلوة
1 م ك خمارة الخبز
بيضة ويمكن الاستغناء عليها
1م ص سكر
فاني
ماء دافي للعجن
للتوريق
زبدة ضعف الزيت وخمارةالحلوة سميد رقيق مع فرينة مخلط
التحضير
نخلط المواد اللي في الصورة ونعجن العجين ونخليه يرتاح مثل المسمن العادي والصور توضح
نغطي بكيس وطرف ونخليه يرتاح 20د
نحضر الزبدة ذايبة وباردة شوية +زيت +نصف خمارة القاطو+فاني ونخلط تلاحظو فوران عادي
وسميد رقيق مع فرينة انا درت سميد برك او ممكن مع نشاء كل واحد وواش يجب المهم باش يساعد على التوريق
هنا العجينة ريحت نبدا العما نخليكم مع الصور تفهمو
نغمس يدي في خليط الزبدة والزيت وفوق الخبزة ثم نذرذر السميد كل ما نطوي كيما المسمن انشاء الله تكون واضحة
راني قربت الصورة ممكن تكون اوضح ونطوي وندهن
كي تكملي الكمية يكونو ارتاحو ابداي بالاولى وحلي انا درتو مربع وهو في الاصل مدور كل واحد واش يحب وتاني درت زوج طرق
1كي تحليها رقيقة شوفو كيفاش تجي
يعني تجي مقرمشة والله سخونة ويد في الطاجين ويد في لاباراي ما قدرتش نوريلكم مليح
2انا نحبو شوية مبطبطيعني يجي قطن من داخل ومورق
كيفاش نوصفلكم يعني ماشي حاجة مزيتة وتوجع كيما المسمن ممكن نقول هشيش وطري
يعني نفتح الحبة صغيرة وما نرققهاش بزاف الصور توضح
شوفو كيفاش تتنفخ
ممممممممممممممممممم
من الداخل والله سخونة وااااااااع
انشاء الله يكون شرح وافي وكافي وفهمتوه وباذن الله تجربوه والله عندو ذوق ماشي كيما المسمن نتاعنا وما يوجعش لانو ماشي مزيت انشاء الله تحبوووه بااااااي الى مواضيع اخرى دعوة خير تكفي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بارك الله فيك قوليلي مايسمنش كيما المسمن انتاعنا هههههههههههه سخفتيني
__________________________________________________ __________
>>>> الرد الثاني :
ممممممم يشهي يعطيك الصحة عزيزتي ألمازة بوركتي
__________________________________________________ __________
>>>> الرد الثالث :
يعطيك الصحة المازة يبان روعة يسلمو
__________________________________________________ __________
>>>> الرد الرابع :
يا المازة يا الفحلة ربي يعطيك صحتك وبورك فيك والشكر موصول لافروديت
__________________________________________________ __________
>>>> الرد الخامس :
المشاركة الأصلية كتبت بواسطة أم ياسين الزهراء 
بارك الله فيك قوليلي مايسمنش كيما المسمن انتاعنا هههههههههههه سخفتيني
كاش حاجة ماهيش تسمن درك راكي تشوفي بعينك تسماني ههههههههههه شكرا على مرورك
المشاركة الأصلية كتبت بواسطة oum anas 69
ممممممم يشهي يعطيك الصحة عزيزتي ألمازة بوركتي
اوووووووووو حبيبتي ام انس تسلميلي واش احوالك شفتك راكي مريضة والمورال 0 انشاء الله طمنينا عليك وشكرااااااااا
رد مع اقتباس
