عنوان الموضوع : شاورما الدجاج بطريقة سهلة ومبتكرة من اختراعي من مطبخي المطبخ الجزائري
مقدم من طرف منتديات العندليب


السلام عليكن الكل يعرف شاورما الدجاج لكن الشيء اللي ابتكرته هو الطريقة الساهلة اللي تتعمل بيها خاصة للمبتدئات والدوق هو نفس دوق شاورما المحلات على ضمانتي و عملت معاها الرغيف السوري وكريمة التوم اللي تحب مقاديرها نحطهالها
نخليكم مع الصور
المقادير
فيما يخص التتبيلة هي
في ميكسور حطي بصة صغيرة+2سنات ثوم+نصف مغرف كمون+مغرف هريسة +شوية كسبر وكروية+مغرف كبيرة خل +مغرفكبيرة زيت+ملح وفلفل اسود حسب الرغبة خلطي الكل وحطي السكالوب فيه من ساعة فما فوق ثم دخليه للفرن على 220 بعد ماتغطيه بالالمنيوم وفي آخر ربع ساعة نحيه وخليه ينشف شوية قطعيه شرائح طويلة بالسكين والباقي موضح بالصور
للامانة التتبيلة وراتهالي اخت في منتدى وكنت نعملها في اعواد الشواء وطريقة الفرن انا اللي ابتكرتها وجربتها والنتيجة روعة وزيد سهلة جدا
اما الرغيف السوري اللي تحب نحطلها المقاديرد
المقادير
كلغ فرينة
ملح
2 ملعقة كبيرة سكر
كاس شاي زيت
1 ملعقة كبيرة خميرة خبز
ماء دافيء للعجن
نخلط جميع المواد حتى نحصل على عجينة لينة و ما شي جامدة
ندلكو مليح و نخلوه يخمر
من بعد نشكلو كويرات صغار نحلوهم بالرولو و نرشوها بالفرينة
و نحطو قرص فوق قرص و بيناتهم نديرو ورق المطبخ
نخليهم يريحو 10 دقايق و نحمي مقلة فوق النار و نرمي
القرص الاول غير يبدا يدير فقاعات نقلبوها و نواصلو في
التقليب حتى طيب ونعمروها بواش نحبو

فقط حبيت نقلكم بلي السكالوب او اي نوع من اللحوم مالازمش يتقطع مباشرة بعد خروجو من الفرن لانو راح يفقد العصارة اللي فيه وينشف خليوه يرتاح اقل شيء 5د ومن بعد قطعوه

اللي تتوحم ماتدخلش ههههههههههههههههههه

اولا الرغيف












وهاذي الشاوارما

























وهاذي كريمة الثوم

في صحن غامق تحطي بياض بيضة مع قرصة ملح و1سنة ثوم مرحية تضربيهم بالباتور مع اضافة الزيت تدريجيا كيما المايوناز حتى تثقال في يدك زيديلها ملعقة خل والملح حسب الرغبةدخليها الثلاجة ترتاح نصف ساعة واستعمليها



راني نستنى رايكم متقييمكم واي استفسار راني هنا










































>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هايلة يعطيك الصحة الطريقة لو سمحتي

__________________________________________________ __________

>>>> الرد الثاني :

اكتبيلنا المقادير بالتفصيل تعيشي وطريقة التحضير الخبز السوري راني عرفة كيفاه ربي يفرحك جاوبيني

__________________________________________________ __________

>>>> الرد الثالث :

يمي يمي تشهي


شكرا لك

__________________________________________________ __________

>>>> الرد الرابع :

تعيشي اكتبيلي المقلدير و ايضا طريقة عمل الخبز السوري

__________________________________________________ __________

>>>> الرد الخامس :

المقادير المقادير