عنوان الموضوع : كسرة الزعتر المطبخ الجزائري
مقدم من طرف منتديات العندليب

السلام عليكم و رحمة الله


أنا اليوم حبيت أشارك بوصفة أو أكلة لديدة جدا بمناسبة موسم الربيع و هده الأكلة تنحدر مكن مدينة القل -سكيكدة-


المقادير: 5 الى 10 ربطات زعتر سميد ماء زيت

كيفية الاستعمال : أولا نغسلو الزعتر مليح بالماء لأنها معمرة بالتراب.

ثانيا: نقطفها ونضعها ثقطر مليح .

ثالثا: نرحيوها في الرحاية أو بالروبو.

ثم نضع السميد في القصعة و نحط الزعتر بالشوية و نعجن حتي نتحصل علي عجينة سوداء اللون متماسكة و لينة و طرية

كيما الكسرة خليها ترتاح 10د بعدما تقسمها علي شكل خبيزات كيما انتاع لملاوي أو لمطاوي قرصيها رقيقة و خبزيها في الطاجين من بعد فركتيها كيما الشخشوخة أنتاع الظفر و لكن فاركة عليها فوريها ثم أطبخيها بشوية ماء شغل جمريها تم حطيلها الزيت الزيتونة و السكر و شهية طيبة.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اممممممممممممم تبان تشهي أول مرة نسمع بيها نحب الجديد

__________________________________________________ __________

>>>> الرد الثاني :

بارك الله فيك

__________________________________________________ __________

>>>> الرد الثالث :

السلام عليكم

عمري ما سمعت بيها متشرفييين

ولوكان حتى جبتيهانا بتصاور خير باه نتشهاو كتر ههه

مشكورة ختي وصحاليكم


__________________________________________________ __________

>>>> الرد الرابع :

الزعتر تقصدي بيه اللي نطيبوه تيزانة ولا الزعيترة اللي نطيبو بيها البيتزا؟

__________________________________________________ __________

>>>> الرد الخامس :

أقصد يا اختي بالزعتر انتاع التيزانة