عنوان الموضوع : طجيــــــن اللوبيا و البطاطا المحشوة ،، طبق جزائري
مقدم من طرف منتديات العندليب

السلآمـــ عليكمـــ،،

صح فطوووووركم ... ان شاء الله راكم مفوتينها مليحة مع الصيام و احوالو طبعا هيهيـ،،

بغيـــــت نوريلكم واش طيبت فالحق البارح ماشي اليوم هههــ تاع اليوم ما صورتش ...

هادا اللوبيا باللحم ،، طيبتها فالطجيــن على غرضها هه ماشي كيما الكيكوطة



و هادي بطاطا محشوة باللحم المفروم و الجبن جات فووور مين داك ماكنتش مدايرتها قاع فالحساب باش نديرها حتى جاتلي الفكرة منآه تزايدلي اللحم من تاع البووراك ..



ان شااء الله يكونو عجبوكم ،، أي استفسار راني هنا باذن الله

أسمــــــــــاء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يبارك يعطيك الصحة اطباقك مشهية ياريت تقوليلنا كيفاه طيبتي البطاطا وشكرا

__________________________________________________ __________

>>>> الرد الثاني :

4444444444444444444444444444

__________________________________________________ __________

>>>> الرد الثالث :

المشاركة الأصلية كتبت بواسطة سمسومة 05
الله يبارك يعطيك الصحة اطباقك مشهية ياريت تقوليلنا كيفاه طيبتي البطاطا وشكرا

يبارك فيييك اختــي

طبعااا نقولك

(تلفتلي الهدرة ماعرفتش الفعل اللي نعبر بيه ههه) ،، المهم

تحكمي حبة البطاطا و تفرغيها من الداخل بالسكين و للا ديك الاداة اذا تعرفيها ،، و تعمليها على شكل حفرة و تخلي الطبقة الخارجية شويا ماهي سميكة ما هي رقيقة على حساب ما تعرفي طيابها

تعمريها باللحم المفروم ( هنا درتو طايب من قبل ) مي تقدري تديريه طازج بسكو يطيب عادي و خليت شويا فراغ كملت بيه للسطح بالفرماج
+

تعملي على جيها شويا ماء و زيت و زعفران و فلفل احمر و حرور و تفرغيهم عليها الى النصف تقريبا

حطي المارغرين في البلا و زيدي البطاطا و سقيها ،، غطيها بالالمنيوم و دخليها الفرن .. مين تشوفي البطاطا طابت ديك هي ...

قويت الهدرة بزااف و هي حاجة ساهلة يووه اسمحيلي هيهي

صح سحووورك ،،

__________________________________________________ __________

>>>> الرد الرابع :

انا عضوة جديدة طبق البطاطا هايل يعطيك الصحة اختي


__________________________________________________ __________

>>>> الرد الخامس :

الله يخليك اختى ويحفظك شكرا لكرمك وشكرا جزيلا على الوصفة ان شاء الله نجربها