عنوان الموضوع : خبز بالياغورت الطبيعي خفيف كالقطن من مطبخي
مقدم من طرف منتديات العندليب

السلام عليكم اخواتي


جبتلكم اليوم نوع من انواع الخبز اكثر من رااااائع خفيف وهشوش مناسب لكل الايام و ممكن نعمله في شهر رمضان الكريم اذا كان في العمر بقية مع الشربة في مكان المطلوع هكذا نوع في الخبز

راح نستعمل فيه الياغورت الطبيعي وعلبة الياغورت هي لي نستعملها في المكيال يعني مانحتاجش ميزان هكذا يتسنى للجميع تطبيقه

https://

المقادير

كما سبق وقلتلكم العلبة المستعملة هي علبة الياغورت فارغة

2 علب ياغورت طبيعي
علبة زيت
علبة حليب دافيء
م ك سكر
م ك خميرة الخبز
باكي خميرة كيميائية
ملح
فرينة حسب الحاجة

الطريقة:

https://


نخلط جميع المقادير باليد ونضيف الفرينة تدريجيا حتى نتحصل على عجينة ظرية راح نحتاج حوالي من 500الى 600غ على حسب نوع الفرينة
نعجنها لمدة 15د


https://


نغطيها ونخليها حتى يتضاعف حجمها

نشكلها حسب الرغبة اما خبيزات صغار او كبار نغطيهم ونخليهم يختمرو للمرة الثانية

https://

ندهنها بصفار بيضة مع شوية حليب وقطرات خل ونرش عليه الجلجلانية او السنوج

https://


ندخلها لفرن مسخن مسبقا على 200د حوالي 15د حتى ياخذ الخبز اللون الذهبي

هذا شكل الخبز بعدما طاب


https://

صدقوني راه خفيف كالقطن

https://


هذا شكله من الداخل

https://


https://

انا قدمته مع طبق الكفتة اممممم ولا اروع

https://

https://


نتمنى تجربوه واكيييد راح يعجبكم باذن الله

دعوة خير تكفيني انا وعائلتي ولكن بالمثل

ملاحظة:

هذا الكمية عملتلي 4خبزات مثل لي في الصورة

في امان الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خبز هيلوووووووووولة 4 // تبارك الله مشكورة على الوصفة وبارك الله فيك حبيبة

__________________________________________________ __________

>>>> الرد الثاني :

رووووعة يا مبدعة والوصفة حفظتها لرمضااان الله يعطيك صحتك

__________________________________________________ __________

>>>> الرد الثالث :

لله يبارك ام اماني روعة الوصفة وخاصة اني من عشاق خبز الدار بكل انواعو مبدعة

__________________________________________________ __________

>>>> الرد الرابع :

مشاء الله كلك على بعضك حلو ههههههههه احبك في الله يا اختي ومزيدا من التالق

__________________________________________________ __________

>>>> الرد الخامس :

بارك الله فيك.