**--- طريقة صنع المرقاز من مطبخي ---** المطبخ الجزائري
عنوان الموضوع : **--- طريقة صنع المرقاز من مطبخي ---** المطبخ الجزائري
مقدم من طرف منتديات العندليب
بسم الله الرحمن الرحيم
صح عيدكم و كل عام و انتم بخير
اليوم صنعت المرقاز و قلت انحط الوصفة و الطريقة من مطبخي و تكون خاصة بمنتدانا
المقادير
كمية معتبرة من الثوم
كمون
هريسة
فلفلة حمراء
مثل ماراه موضح في الصورة
نحتاج كمية من اللحم المفروم الناعم انا رحيتو في الروبو
معدنوس و نفرموه ناعم
مصارن رقيقة الخاصة بالمرقاز
نخلط اللحم المفروم مع التوابل و الثوم و المعدنوس المفروم و الثوم المفروم مثل ماراه موضح في الصورة
بعد ما نكونو نضفنا المصارن ندخلو راس المصران في لمبوط يكون راسو صغير نقدرو ندخلوه في المصران و نضع خليط اللحم داخله و ندخل ببطئ مثل ما راني موضحة في الصور
بعد ما يطوال المصران نبدا ندور و نصنع نقانق صغار حسب الحجم اللي تحبوه و هادا هو شكلها
و ما نقطعوهش حذاري ونثقبوه بإبرة باش يدخلو طياب و ما ينفجرش علينا
نديروه على طاجين مع شووووية زيت فقط لانو راح يخرج دهون
و كي يدخلو الطياب نقسموه و هو في الطاجين و نخلوه يكمل طيابو
و كل واحدة و كيفاش تحب اتقدموا
تحبي تحضريلو صلصة طماطم كيما درت انا او تقدميه هاكدا او تقدميه بطريقة اخرى مثل طريقة الاخت الغالية ام رامي لفاتو بالدجاج لكي الاختيار
و هاهو واجد
صدقوني ذوقه رائع و يكفي انك تخدميه في المنزل و تربحي صحتك و تفرحي عائلتك لانو راه يجي مشري و كأنه اسفنج و ما نعرفوش حتى بواش يحشوه ربي يسترنا و يحفظ كل المسلمين
ان شاء الله انكون اتوفقت في الشرح
و السلام عليكم و رحمة الله تعالى و بركاته
كلمة شكر ودعوة خير تكفيني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحةةةةةةةةةةةة والله حرةةةة شهيتينييييييي ان شاء الله نجربوووووو
__________________________________________________ __________
>>>> الرد الثاني :
الله بارك شهيتيني
و عندك الحق اختي خدمة الدار ما يعوضهاش المشرا من برا على الاقل نظيف و على يدك
يعطيك الصحة شرح موفق
__________________________________________________ __________
>>>> الرد الثالث :
مممممم و الله تشهي يعطيك الصحة و صح عيدك
__________________________________________________ __________
>>>> الرد الرابع :
المشاركة الأصلية كتبت بواسطة ام ماريا هاجر 
يعطيك الصحةةةةةةةةةةةة والله حرةةةة شهيتينييييييي ان شاء الله نجربوووووو
تسلميلي ام ماريا ربي يهنيك
__________________________________________________ __________
>>>> الرد الخامس :
المشاركة الأصلية كتبت بواسطة pinkswift
الله بارك شهيتيني
و عندك الحق اختي خدمة الدار ما يعوضهاش المشرا من برا على الاقل نظيف و على يدك
يعطيك الصحة شرح موفق
شكرا اختي الغالية و الله خدمة الدار نظيفة و بنينة
رد مع اقتباس
