عنوان الموضوع : تبحرتلي واش نطيب وجدت الحل ساهل ماهل طبق جزائري
مقدم من طرف منتديات العندليب

ماكانش عدي الوقت كنت نخمم على العشا و في نفس الوقت نخمم باش نخرج وليدي للحديقة
خممت خمتت قلت لي تسلكني غير الغرتان في الكوكوطة ساهلة و بنينة تاع الزربة
5 حبات بطاطا او على حسب عدد الاسرة
4 حبات بصل
250 غ لحم مرحي ما وزنتوش
ملح و فلفل اسود
سنة ثوم
معدنوس
5 مغارف كبار زيت
يمكنك الاستغناء عن اللحم المفروم و تعمليه فقط بالبطاطا و البصل الزيت فلفل اسود و ملح اممم يجي بنين بزااف انا نعملها بزااف بلاد لحم مين نكون مزروبة غير هده الطريقة للي تسلكني و تجي هايلة تحطيها للضياف و ما تخميش و لكن تقدميهالهم مع دجاجة محمرة او حاجة اخرى للي تحبيها حوت او لحم

اولا في كوكوطة ضعي الزيت و قطعي البصل طول ديريه يتذبل في الزيت مع الملح اضيفي البطاطا تقوني مقطعتها دوائرو ملحتها و شوية فلفل اسود
اضيفي من الفوق اللحم المرحي تكوني مكوراتو مع سنة ثوم رابي و شوية معدنوس و الملح و فلفل اسود زدت شوية طماطم مطحونة نحبها في اللحم المرحي
اغلقي الكوكوطة خليها طيب على نار قليلة باش ما ينحرقش لانو بدون ماء 15 د الى 20 د و اذا فتحتيها و شوفي كيف تحبيها انت



تقدري في الاخير مين تطيب ترشي شوية فرماج رابي انا نسيت و لكن كان الذ هاكدا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

إمممممممم يعطيك الصخة أم أيووووب شهاني الصحن بما أني أول رد راني طرت بالصحن ألحي عشاك ههههههههه

__________________________________________________ __________

>>>> الرد الثاني :

يعطيك الصحة تبان بنينة ومحمرة امممممم ....
وايوب بصحتو التحويسة

__________________________________________________ __________

>>>> الرد الثالث :

اممممممممممممم بصحتكم أم أيوب

هذه فكرة مليحة نسرقها منك

تحياتي

__________________________________________________ __________

>>>> الرد الرابع :

روووووووووووووعة

__________________________________________________ __________

>>>> الرد الخامس :

رائعة