عنوان الموضوع : كسرة بنينة و ساهلة ادخلي متحشميش المطبخ الجزائري
مقدم من طرف منتديات العندليب

السلام عليكم
حبيت نحط موضوع في كيفية صنع الكسرة يا رب نكون افدت ولو وحدة ربي يفرحكم
اليكم الطريقة
كيلو سميد يديرلك ثلاث قرصات او خبزات
زوج فناجن زيت
ملعقة اكل و نصف خميرة الخبز
ملح عينك هي ميزانك
اذا حبيتي شوية سينوج
هاهي الصورة و الفنجان اللي كيلت بيه الزيت
و الخميرة حطيها في نص كاس ماء دافئ و خليها تطلع


نخلط الدقيق مع الزيت و الملح مليح

نبل بشوية ماء لازم تجي العجينة يابسة
ندخل الخميرة بالشوية و نعجن في نفس الوقت حتان نكمل كمية الخميرة المذابة في الماء الدافئ
نقسم العجينة الى ثلاث قطع متساوية
نعمل قرص و نحطهم في كيس بلاستيكي يخمرو حوالي عشر دقائق
تكوني سخنتي الطاجين تاعك
حليليها و حطيها في الطاجين و ابقاي دوري في القرصة باش تجي طايبة بنفس اللون و كي تصعب عليك باه تدوريها قلبيها تلقايها طابت من الجهة الاولى
تطيب من الجهة الثانية مليح مع التدوير كي المرة الاولى
نحيها من الطاجين و حطي الثانية
و احرقي المحيط دخلي الكسرة بين الطابونة و الطاجين كيما نديرو المطلوع
و بصحتكم
و هاهي طايبة
[IMG][/IMG]


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة اختي

مجيكش مثل المطلوع حسب الخميرة لي حطتيها

__________________________________________________ __________

>>>> الرد الثاني :

تشهي يعطيك الصحة دايرة كي كسرة ناس قالمة
يعطيك الصحة

__________________________________________________ __________

>>>> الرد الثالث :

19: يعطيك الصحة اختي

__________________________________________________ __________

>>>> الرد الرابع :

merciiiiiiiiiiiiiiiiiiiiiiiii

__________________________________________________ __________

>>>> الرد الخامس :

يعطيك الصحة