دجاجة محشية و خبز تركي بالصور من مطبخي المطبخ الجزائري
عنوان الموضوع : دجاجة محشية و خبز تركي بالصور من مطبخي المطبخ الجزائري
مقدم من طرف منتديات العندليب
المقادير
دجاجة
2 بصلات مقطعين كبير كاس صغير ماء
للحشو
150 غ كبدة تاع الدجاج انا درت لحم طرف صغير باه يدير البنة برك
1 بصل مقطعة رقيق + 2 فصوص ثوم
60 غ فرميسال تاع الارز vermicelle de riz او ارز مطهوا في شوية تاع الماء
نصف ليمون محفوط مقطع رقيق citron confit
زيتون اخضر مقطع رقيق
معدنوس و كسبر مقطعين رقيق
1/2 م ص زنجبيل مطحون
1/2 م ص فلفل اسود
1/2 م ص بابريكا
1/2 م ص كركم
1/2 م ص ملح
2 او 3 م ك زيت
لدهن الدجاج
2 فصوص ثوم
50 غ زبدة
1/4 زنجبيل مطحون
1/2 م ص فلفل اسود
1/2 م ص كركم
1/2 م ص ملح
الموتارد
الطريقة
نحط البصل و الثوم يتقلاو مع الكبدة او اللحم
نحط الفيرميسال في ماء سخون نخليوها دقائق نصفيوها و نقصوها بالمقص و نضيفوها للخليط السابق و نضيف باقي المكونات و نزيدو نخليوها على النار 10 او 15 دقيقة
نحشيو الدجاجة بهذا الخليط ثم نغلقوها بعود الاسنان
نخلط الزبدة والموتارد و البهارات حتى تصبح متجانسة و ندهن بيها الدجاجة مليح حتى تحت الجلد نحطها في الوعاء الي نطيبوا فيه ونضيفوا البصل و الماء و تطها على درجة 200 الساعة الاولى مغطية و من بعد انحيولها الغطاء باه تحمار
الدجاج يجي حمر من البرى و طري من الداخل
المرق الي يجي مع الدجاج نقدموا به و اذا بقالك خبيه ديري بيه ارز يجي بنين
بقاتلي شوية حشوة زدتلها البيض و درتها على شكل بوراك
و درت معها الخبز التركي
الخبز التركي
الوصفة هذه ديما نديرها و كي دورت في المنتدى لقيت هي نفس الوصفة الي اديرها الغالية ام اماني
المقادير
500 غ فرينة
1/2 ملح
1م ص سكر
1 م ك خميرة
150ml ماء دافئ
150ml حليب دافئ
2 م ك زيت
1 ابيض بيض
للدهن
1 اصفر بيض
قرصة ملح
50ml ماء دافئ
1 م ص فرينة
جلجلانية او سانوج
الطريقة
نخلط الماء و الحليب
نخلط الخميرة مع السكر و شوية فرينة و شوية خليط ماء و حليب و نخليوها 15 دقيقة
من جيهة اخري نخلط الفرينة الي بقات مع الملح و باقي المكونات و الخليط الاول و نعجن نتحصل على عجينة تتلاصق نغطيها و نخليها تطلع في مكان دافئ 1 ساعة نشكلها 2 خبزات و نخليها تزيد تطلع 15 د و من بع نشكلوها شكل دائري او بيضوي و نخليها تزيد تطلع نصف ساعة و من بعد ندهنها و بللت اصابعي بالخليط تاع الدهن و نشكلها باطراف الاصابع كيما في الصورة و ندخلها الفرن على درجة 200 من 15 الى 20 دقيقة *
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ya3tiik el sahaaa
__________________________________________________ __________
>>>> الرد الثاني :
امممممممممم يشهوو يعطيك الصحة حبيبتيى وبارك الله فيك
__________________________________________________ __________
>>>> الرد الثالث :
يعطيك الصحة رووووووووووعة
__________________________________________________ __________
>>>> الرد الرابع :
ماشاء الله وصفه جداً راءعه
بارك الله فيك
كلش اممممممممممم
__________________________________________________ __________
>>>> الرد الخامس :
ممممم كلشي يشهي يعطيك الصحة وشنو هو الي في الصورة رقم12 مممم بوراك و الخبز التركي كان غير حطيتي لي mesure ب الملعقة يشهي شكرًا لكي ان شاء اله مزيد من الوصفات دمتي لنا عزيزتي و بارك اله فيك
رد مع اقتباس
